රජය ලබා දීමට පොරොන්දු වූ අලි මෙතෙක් ලබා දී නොමැති බව රුහුණු කතරගම මහ දේවාලයේ බස්නායක නිලමේ ඩි.පී. කුමාරගේ මහතා පවසයි. ඔහු කියා සිටියේ වරි...
රජය ලබා දීමට පොරොන්දු වූ අලි මෙතෙක් ලබා දී නොමැති බව රුහුණු කතරගම මහ දේවාලයේ බස්නායක නිලමේ ඩි.පී. කුමාරගේ මහතා පවසයි.
ඔහු කියා සිටියේ වරින් වර මේ සම්බන්ධයෙන් ඉල්ලීම් සිදු කළත් මෙතෙක් යහපත් ප්‍රතිචාරයක් ලැබී නොමැති බවයි.
මේ වන විට දේවාලය සතුව සිටින්නේ අලින් දෙදෙනෙකු පමණක් බවඩ් බස්නායක නිලමේවරයා සඳහන් කළේය.
කතරගම දේවාලය සතුව සිටි බානු නැමැති අලියා දේවාල භූමියේ රඳවා සිටියදී අධිකරණ නියෝග මත පසුගිය වසරේ ඔක්තෝම්බර් මස 07 වනදා පින්නවලට රැගෙන යනු ලැබීය.
ඒ එවකට තිරසාර හා වනජීවී නියෝජ්‍ය අමාත්‍ය වසන්ත සේනානායක බලපත්‍ර නොමැති අලි ඇතුන් සම්බන්ධයෙන් අපරාධ පරික්ෂණ දෙපාර්තමේන්තුවට කරනු ලැබූ පැමිණිල්ලකට අනුවයි.
COMMENTS