මෙවර පළාත් පාලන මැතිවරණය සඳහා ඉදිරිපත් වීමට නියමිත අපේක්ෂකයින් දැනුවත් කිරීමේ වැඩසටහනක් දමිළ ප්‍රගතිශීලි සන්ධානයේ නියෝජ්‍ය නායක අමාත්‍ය පල...
මෙවර පළාත් පාලන මැතිවරණය සඳහා ඉදිරිපත් වීමට නියමිත අපේක්ෂකයින් දැනුවත් කිරීමේ වැඩසටහනක් දමිළ ප්‍රගතිශීලි සන්ධානයේ නියෝජ්‍ය නායක අමාත්‍ය පලනි තිගාම්බර මහතාගේ ප්‍රධානත්වයෙන් ඊයේ (27) හැටන් ඉන්ද්‍රා ශාලාවේදී පැවැත්විණි.
දමිළ ප්‍රගතිශීලි සන්ධානය නියෝජනය කරන අමාත්‍ය පලනි තිගාම්බරම් මහතා නායකත්වය දරණ ජාතික කම්කරු පෙරමුණේ නුවර එළිය දිස්ත්‍රික් අපේක්ෂකයින් දැනුවත් කිරීම අමාත්‍යවරයා විසින් මෙලෙස සිදු කෙරිණි.
නුවරඑළිය දිස්ත්‍රික්කය සඳහා දමිළ ප්‍රගතිශීලී සන්ධානය එක්සත් ජාතික පෙරමුණ යටතේ පළාත් පාලන මැතිවරණය සඳහා තරඟ වදින බවත් කිසිදු මැතිවරණ නීතියක් උල්ලංඝණය නොකර සිය මැතිවරණ ව්‍යාපාරය මෙහෙය විය යුතු බවත් අමාත්‍ය පලනි තිගාම්බරම් මහතා පැවසීය.
එමෙන්ම ලබන 31 වැනිදා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් හැටන් නගරයේ පැවැත්වෙන ජන හමුවෙන් පසුව මැතිවරණ ප්‍රචාරක කටයුතු ආරම්භ කරන බවද අමාත්‍ය පලනි තිගාම්බරම් මහතා මෙහිදී කියා සිටියහ.
එක්සත් ජාතික පෙරමුණේ අපේක්ෂකයින් ලෙස නුවරඑළිය දිස්ත්‍රික්කය ජයග්‍රහණය කරවීම සඳහා කැපවිය යුතු බවට මෙහිදී අමාත්‍යවරයා පළාත් පාලන අපේක්ෂකයින්ට උපදෙස් ලබා දුන්නේය.
COMMENTS