උඩරට දුම්රිය ධාවනයට බාධා

උඩරට දුම්රිය මාර්ගයේ ඉදල්ගස්හින්න හා ඔහිය දුම්රිය ස්ථාන අතර පස්කඳු කඩා වැටීම හේතුවෙන් එම මාර්ගයේ දුම්රිය ගමනාගමනය තාවකාලිකව ඇණ හිට ඇත. ස්...

තිගාම්බරම්, රාධක්‍රිශ්ණන් නුවරඑළියට අලියගෙන්

භාරතගේ ඝාතනය ගැන කියමින් දයාසිරි අතීතය මතක් කරයි

කැලණිය සරසවියෙන් නව සොයා ගැනීමක් - සර්ප විෂට ප්‍රතිවිෂ ඖෂධයක් සොයා ගනී

උඩරට දුම්රිය මාර්ගයේ ඉදල්ගස්හින්න හා ඔහිය දුම්රිය ස්ථාන අතර පස්කඳු කඩා වැටීම හේතුවෙන් එම මාර්ගයේ දුම්රිය ගමනාගමනය තාවකාලිකව ඇණ හිට ඇත.

ස්ථාන දෙකකින් පස් කඳු කඩා වැටී ඇති බවත් කොළඹ කොටුවේ සිට බදුල්ල දක්වා ධාවනය වන රාත්‍රී තැපැල් දුම්රියද මෙම දුම්රිය ස්ථාන දෙක අතර සිරවී ඇති බවත් දුම්රිය පාලක මැදිරිය පවසයි.

පස් කන්ද ඉවත් කිරීමට අවම වශයෙන් පැය හතකවත් කාලයක් ගත වනු ඇතැයි වාර්තා වේ.

මේ අතර බදුල්ල සිට කොළඹ බලා ධාවනය කරන උඩරට මැණිකේ දුම්රිය බදුල්ල දුම්රිය ස්ථානයේ නතර කර ඇත.

කොළඹ සිට බදුල්ල බලා ගමන් ගන්නා දුම්රිය නානුඔය තෙක් සීමා කිරීමට දුම්රිය පාලක මැදිරිය කටයුතු කර තිබේ.

මධ්‍යම කඳුකරයට ඇද හැලෙන ධාරානිපාත වර්ෂාව හේතුවෙන් උඩරට දුම්රිය මාර්ගය මෙන්ම මහා මාර්ගද දැඩි  අවදානම් තත්ත්වයට පත්ව ඇතැයි ආපදා කළමනාකරණ මධ්‍යස්ථානය පවසයි.