ගාල්ල, ගිංතොට ප්‍රදේශයේ සිදු වූ සිද්ධිය ගැන අසත්‍ය ප්‍රචාර සිදු කරන පුද්ගලයින් සම්බන්ධයෙන් දැඩිව නීතිය ක්රියාත්මක කරන බව පොලිස් මූලස්ථානය...
ගාල්ල, ගිංතොට ප්‍රදේශයේ සිදු වූ සිද්ධිය ගැන අසත්‍ය ප්‍රචාර සිදු කරන පුද්ගලයින් සම්බන්ධයෙන් දැඩිව නීතිය ක්රියාත්මක කරන බව පොලිස් මූලස්ථානය යළි අවධාරණය කරයි.
ඇතැම් සමාජ මාධ්‍ය ජාලා ඔස්සේ ගිංතොට ප්‍රදේශයේ ඇති වූ සිද්ධිය පිළිබඳව තවදුරටත් අසත්‍ය ප්‍රචාර සිදු කරමින් සිටින පොලිස් මූලස්ථානය පෙන්වා දෙයි.
මහජනතාව අතර නොසන්සුන්තාවයන් ඇති කරවිමේ අරමුණින් මෙවැනි ප්‍රචාර සිදුකරන බවද මෙවැනි අසත්‍ය ප්‍රචාරවලට නොරැවටෙන ලෙසත් එවැනි අසත්‍ය ප්‍රචාර සිදු කරන පුද්ගලයින්ට එරෙහිව දැඩිව නීතිය ක්රියාත්මක කරන බවද පොලිස් මූලස්ථානය අවධාරණය කරයි.
මේ අතර පොලිස්පති පූජිත් ජයසුන්දර මහතාගේ ප්‍රධානත්වයෙන් අද(20) උදෑසන ගාල්ල පොලිස් වසමේ ප්‍රජා පොලිස් කමිටු සහ උපදේශණ කමිටු දැනුවත් කිරීමේ සාකච්ඡාවක් පැවැත්වේ.
ගාල්ල නගර සභා ශ්‍රවණාගාරයේ දී එය පැවැත්වෙනු ඇත.
එහිදී ගිංතොට ප්‍රදේශයේ ඇති වූ නොසන්සුන්කාරී තත්ත්වය සම්බන්ධයෙන් ද සාකච්ඡා කිරීමට නියමිතව ඇති බව පොලිස් මාධ්‍ය ප්‍රකාශක කාර්යාලය සදහන් කළේය.
COMMENTS