පර්පචුවෙල් ට්‍රෙෂරීස් සමාගම විසින් සිය සමූහයේම තවත් සමාගම් දෙකක් වන පර්පච්‍රෙවල් කැපිටල් හෝල්ඩිංග්ස් හා ඩබ්.එම්. මෙන්ඩිස් සමාගමේ බැංකු ගිණ...
පර්පචුවෙල් ට්‍රෙෂරීස් සමාගම විසින් සිය සමූහයේම තවත් සමාගම් දෙකක් වන පර්පච්‍රෙවල් කැපිටල් හෝල්ඩිංග්ස් හා ඩබ්.එම්. මෙන්ඩිස් සමාගමේ බැංකු ගිණුම්වලට මුදල් බැර කොට එදිනම එම මුදල් නෝට්ටු වශයෙන් ලබා ගෙන ඇති බව භාණ්ඩාගාර බැඳුම්කර නිකුත් කිරීම පිළිබඳ පරීක්ෂා කිරීමේ සහ විමර්ශනය කිරීමේ ජනාධිපති විමර්ශන කොමිෂන් සභාව හමුවේ ඊයේ (16) හෙළිදරව් විය.
මෙහිදී 2015-2016 කාලය තුළ පෞද්ගලික බැංකු දෙකකින් රුපියල් මිලියන 15 හා මිලියන 45 බැගින් සහ ලංකා බැංකුවේ ඩබ්. එම්. මෙන්ඩිස් සමාගමේ ගිණුමෙන් රුපියල් මිලියන 79 ක් ලෙසින් නෝට්ටුවලින් මුදල් ලබා ගෙන ඇති බව අනාවරණය විය.
මේ අතර ඊයේ (16) දිනයේ දී කොමිසම හමුව කරුණු දැක්වීමට පැමිණ සිටි ජ්‍යෙෂ්ඨ බැංකුකරුවකු වන නිහාල් ෆොන්සේකා මහතා කියා සිටියේ පර්පචුවෙල් ට්‍රෙෂරීස් සමාගමේ බැංකු ප්‍රකාශන අනුව පෙනී යන්නේ සමාගම මෙම ක්‍රමවේදය අනුගමනය කර ඇත්තේ මුදල් යොමුවූ අවසාන ස්ථානය වසන් කිරීමට බවයි. ඒ නියෝජ්‍ය සොලිස්ටර් ජනරාල් මිලින්ද ගුණතිලක මහතා විසින්, එකම සමූහයේ සමාගමක් සමග මුදල් ගනුදෙනු සිදුකිරීමේ නියමිත ක්‍රමවේදය පර්පච්‍රෙවල් ට්‍රෙෂරීස් සමාගම මෙහිදී අනුගමනය කර තිබෙනවා ද යන්න නිහාල් ෆොන්සේකා මහතාගෙන් විමසා සිටි අවස්ථාවේ දීය.
මේ අතර 2016 මාර්තු 26 දින හිටපු මුදල් අමාත්‍ය රවී කරුණානායක විසින් බැඳුම්කර වෙන්දේසිය සඳහා අඩු අනුපාතවලට ලංසු තබන ලෙස රාජ්‍ය බැංකුවලට උපදෙස් ලබා දීම හේතුවෙන් 2016 මාර්තු 29 වන දා වෙන්දේසියෙන් ලැබුණ බර තැබූ අනුපාතයන් පහළ යාමට බලපා ඇති බව ද නිහාල් ෆොන්සේකා මහතා මෙහිදී කියා සිටියේය. එසේම මෙහිදී සේවක අර්ථසාධක අරමුදල ලංසු තැබූ අනුපාතය ඉක්මවා යමින් ලංසු භාර ගැනීම නිසා රජයට රුපියල් මිලියන 550 ක පමණ ආවස්ථික අලාභයක් සිදුවී ඇති බව කිව හැකි යැයි පැවසීය.
තවද අදාළ නිකුතුවල දී වෙන්දේසි පමණක් වන ක්‍රමවේදය තුළින් වෙළෙඳපොළ පොළී අනුපාත පාලනය කිරීමට රජයට හැකියාවක් නොතිබූ බවත්, ඇතැම් අවස්ථාවල දී රජයේ මුළු මුදල් අවශ්‍යතාවය වෙන්දේසි ක්‍රමවේදය තුළින් පමණක් සපුරා ගැනීම ඇතැම් විට වෙළෙඳපොළ පොළී අනුපාතවලට අහිතකර අකාරයේ බලපෑම් ඇති කළ නිසා ගත වූ කාලය තුළ මහබැංකුවේ ගිණුමෙන්ම රුපියල් බිලියන 330 ක පමණ භාණ්ඩාගාර බිල්පත් මිල දී ගැනීමට සිදු වූ බවද ෆොන්සේකා මහතා කියා සිටියේය.
නිහාල් ෆොන්සේකා මහතා වර්තමාන මූල්‍ය මණ්ඩල සාමාජිකයෙකු ද වේ.
මෙහිදී 2015-2016 කාලය තුළ පෞද්ගලික බැංකු දෙකකින් රුපියල් මිලියන 15 හා මිලියන 45 බැගින් සහ ලංකා බැංකුවේ ඩබ්. එම්. මෙන්ඩිස් සමාගමේ ගිණුමෙන් රුපියල් මිලියන 79 ක් ලෙසින් නෝට්ටුවලින් මුදල් ලබා ගෙන ඇති බව අනාවරණය විය.
මේ අතර ඊයේ (16) දිනයේ දී කොමිසම හමුව කරුණු දැක්වීමට පැමිණ සිටි ජ්‍යෙෂ්ඨ බැංකුකරුවකු වන නිහාල් ෆොන්සේකා මහතා කියා සිටියේ පර්පචුවෙල් ට්‍රෙෂරීස් සමාගමේ බැංකු ප්‍රකාශන අනුව පෙනී යන්නේ සමාගම මෙම ක්‍රමවේදය අනුගමනය කර ඇත්තේ මුදල් යොමුවූ අවසාන ස්ථානය වසන් කිරීමට බවයි. ඒ නියෝජ්‍ය සොලිස්ටර් ජනරාල් මිලින්ද ගුණතිලක මහතා විසින්, එකම සමූහයේ සමාගමක් සමග මුදල් ගනුදෙනු සිදුකිරීමේ නියමිත ක්‍රමවේදය පර්පච්‍රෙවල් ට්‍රෙෂරීස් සමාගම මෙහිදී අනුගමනය කර තිබෙනවා ද යන්න නිහාල් ෆොන්සේකා මහතාගෙන් විමසා සිටි අවස්ථාවේ දීය.
මේ අතර 2016 මාර්තු 26 දින හිටපු මුදල් අමාත්‍ය රවී කරුණානායක විසින් බැඳුම්කර වෙන්දේසිය සඳහා අඩු අනුපාතවලට ලංසු තබන ලෙස රාජ්‍ය බැංකුවලට උපදෙස් ලබා දීම හේතුවෙන් 2016 මාර්තු 29 වන දා වෙන්දේසියෙන් ලැබුණ බර තැබූ අනුපාතයන් පහළ යාමට බලපා ඇති බව ද නිහාල් ෆොන්සේකා මහතා මෙහිදී කියා සිටියේය. එසේම මෙහිදී සේවක අර්ථසාධක අරමුදල ලංසු තැබූ අනුපාතය ඉක්මවා යමින් ලංසු භාර ගැනීම නිසා රජයට රුපියල් මිලියන 550 ක පමණ ආවස්ථික අලාභයක් සිදුවී ඇති බව කිව හැකි යැයි පැවසීය.
තවද අදාළ නිකුතුවල දී වෙන්දේසි පමණක් වන ක්‍රමවේදය තුළින් වෙළෙඳපොළ පොළී අනුපාත පාලනය කිරීමට රජයට හැකියාවක් නොතිබූ බවත්, ඇතැම් අවස්ථාවල දී රජයේ මුළු මුදල් අවශ්‍යතාවය වෙන්දේසි ක්‍රමවේදය තුළින් පමණක් සපුරා ගැනීම ඇතැම් විට වෙළෙඳපොළ පොළී අනුපාතවලට අහිතකර අකාරයේ බලපෑම් ඇති කළ නිසා ගත වූ කාලය තුළ මහබැංකුවේ ගිණුමෙන්ම රුපියල් බිලියන 330 ක පමණ භාණ්ඩාගාර බිල්පත් මිල දී ගැනීමට සිදු වූ බවද ෆොන්සේකා මහතා කියා සිටියේය.
නිහාල් ෆොන්සේකා මහතා වර්තමාන මූල්‍ය මණ්ඩල සාමාජිකයෙකු ද වේ.
COMMENTS