මෙසේ වල් අලි තර්ජනයට ලක්ව ඇති ගම්මාන වන කැලෑපුලියන් කුලම, දුටුවැව, කුංචුට්ටුව, මහහල්මිල්ල වැටිය හා මහරලපනෑව ආදි ගම්මානවල වැසියන්ය. මේ ව...
මෙසේ වල් අලි තර්ජනයට ලක්ව ඇති ගම්මාන වන කැලෑපුලියන් කුලම, දුටුවැව, කුංචුට්ටුව, මහහල්මිල්ල වැටිය හා මහරලපනෑව ආදි ගම්මානවල වැසියන්ය.
මේ වන විට වැඩි වශයෙන්ම වල් අලි කරදරෙන් පීඩා විඳින්නේ කැලෑපුලියන්කුලම් ගම්වාසීන් වන අතර ඊයේ (15) රාත්‍රියේදී ගම්මානයේ පිහිටි බව‍භෝගවලට දැඩි ලෙසින් හානි කොට විනාශ කර දමා තිබුණි. වල් අලි කරදර සම්බන්ධයෙන් අවස්ථා කිහිපයකදීම වනජීවි නිලධාරීන්ට මෙන්ම ග්‍රාම සේවක මහතා ඇතුලු ඉහල රාජ්‍ය නිලධාරීන් දැනුවත් කළද මේ වන තුරු කිසිදු විසඳුමක් නොලැබුනු බවට කැලෑ පුලලියන් කුලම් ගම්වාසීන් කියා සිටිති.
මෙම ගම්මාන වල වැසියන් කියා සිටින්නේ වල් අලින් සෑම දිනකම සවස 6 පසු වූ සැනින් අඳුර වැටීමටත් පෙරම ගම්මාන වලට ඇතුල් වන අතර කිසිදු වැසියෙකුට සවස් කාලයේ නිවෙස් වලින් පිටවීමට නොහැකි තත්වයක් උදා වී ඇති බවයි.
එමෙන්ම ගෙවතු වල වගා කොට ඇති පොල් කෙසෙල් එලවළු වගාවන් ඇතුලු සෑම වගාවක්ම මේ වන විට විනාශ කොට තිබේ. වල් අලින් විදුලි පන්දම් එලියක් හෝ ශබ්දයක් ඇසුනු සැනින් මිනිසුන් පසු පස එළවන නිසාවෙන් එම ගම්මාන වල වැසියන් දැඩි බියකින් ජීවත් වේ.
මේ සඳහා එකම පිළියම වන්නේ ගම්මාන ආවරණය වන අයුරින් හැකි ඉක්මනින් අලි වැටක් ඉදිකළ යුතු බවත් ඒ සඳහා බලධාරීන්ගේ අවධානය යොමු විය යුතු බවත් ප්‍ර දේශවාසීන් පනවයි.
රොමේෂ් මධුසංක
COMMENTS