මෙහිදී බැඳුම්කර කොමිසම එදා දිනයේ සීසීටීවි දර්ශන පිරික්සා බැලිය යුතුය. අදාළ උපදෙස් ලබාදීමට මහබැංකු අධිපතිවරයා වී සිටියේ මුදල් අමාත්‍යවරයා ...
මෙහිදී බැඳුම්කර කොමිසම එදා දිනයේ සීසීටීවි දර්ශන පිරික්සා බැලිය යුතුය. අදාළ උපදෙස් ලබාදීමට මහබැංකු අධිපතිවරයා වී සිටියේ මුදල් අමාත්‍යවරයා නොවේ.
බැඳුම්කර ගනුදෙනුවේදී යම් නීතිවිරෝධී ක්‍රියාවක් සිදුවී ඇත්තේදැයි සොයාබැලීම පිණිස ජනාධිපති කොමිෂන් සභාවක් පත් කර ඇත. වරදකාරිත්වය, නිර්දෝෂීභාවය හෝ අපසහායකත්වය නම්කිරීම මෙම කොමිසම සමන්විත වන ගෞරවනීය විනිසුරු මණ්ඩලයේ කාර්යය නොවිය යුතුය.
මේ අතරවාරයේ අපට දැනගන්නට ලැබී ඇත්තේ 2014 වසරේදී ප්‍රබල එක්සත් ජාතික පක්ෂ අමාත්‍යවරයෙකු විසින් හිටපු ජනාධිපතිවරයා හට සුඛෝපභෝගී මහල් නිවාසයක් නොමිලේ ලබාදී තිබෙන බවයි. මෙම මහල් නිවාසයේ දැනට සිටින්නේ තුන්වැනි පාර්ශවයකි. මෙම අමාත්‍යවරයා ජනවාරි 8 වැනිදාට පෙර බැංකු ණය අර්බුදයකින් පෙළෙමින් සිටි අයෙකි. මැතිවරණය ජයග්‍රහණය කිරීමෙන් අනතුරුව ඔහු විසින් සිය ගිණුම් යථා තත්වයට පත් කර ගැනීම පිණිස මිලියන 50කට වඩා අත්පිට මුදලින් ගෙවා ඇත. ඉදිරි සති කිහිපය ඇතුළත අප විසින් මෙම සම්පූර්ණ ගනුදෙනුව හෙළි කිරීමට බලාපොරොත්තු වන අතර, මෙම අමාත්‍යවරයා මෙකී මුදල් එක රැයකින් ගෙවීමට සමත් වූයේ කෙසේද සහ හොංකොං, මැලේසියා හා චීනයේ තිබෙන ඔහුගේ හවුල් ගිණුම් ගණනාවක් පිළිබඳව ද හෙළිදරව් කිරීමට ද බලාපොරොත්තු වන්නෙමු.
COMMENTS