දැනට හෙළිවී ඇති ආකාරයට කප්පම් ලබා ගැනීමේ අරමුණින් අතුරුදහන් කළ එම පිරිස අද දේශපාලනික අරමුණු මුදුන් පමුණුවා ගැනීමේ කටගැස්මක් වී ඇති බවද සටහ...
එහෙත් කිසියම් හෝ අභිමානයකට ඇත්තේ තම දරුවන්,ඥාතීන්,හිතෛෂීන් වෙනුවෙන් යුක්තිය ඉටුකරගනිමෙන් මිස නොනවතින අරගලයක නිරත වී සිටීමය. අපගේ ප්රස්තුත කාරණයේදීද එම මව් පියන් , සහෝදරයන් ඇතුළු හිතෛෂීන් වසර 9ක සිට වෙහෙසෙන්නේ එකී ජිවිත වලට යුක්තිය ඉටුකර ගැනීමටය. මානව හිමිකම් වලට දොහොත් මුදුන් දී ගරු කරන සමාජයක තම ලෙයින් උපන් දරුවන්, සහෝදරයන්, එක බත්පත ලෙහාගෙන කෑ හිතවතුන් "පැහැරගෙන ගොස් අතුරුදහන් කරන විට" ඒ මිනිසුන්ගේ පපු කුහරයේ නලියන වේදනාව මෙතෙකැයි කියන්නට හැකියාවක් නැත. දේශපාලන හේතු මත හෝ කප්පම් මත හෝ වෙන කුමන හෝ ආකාරයක හේතු මත හිතු හිතූ ආකාරයට මිනිස් ජීවිත පිළිබඳ තීරණය කළ නොහැකිය. එහෙයින් එකී සියල්ලෝම වෙනුවෙන් යුක්තිය ඉටු විය යුතුය. තම හිතෛෂීන් පිළිබඳ වන ජීවමාන බලාපොරොත්තුවට සාධාරණය ඉටු කිරීම වෙනුවෙන් වගකිව යුතු සියල්ලෝම වගකීමට බැඳී සිටිති.
යුක්තිය ඉටුකරගැනීමෙන් මිස නැවත හැරවීමක් නොමැති ඒ මිනිසුන්ගේ අරගලය තව දුරටත් ශක්තිමත් වියයුතුය. ඒ මව්පියන්ගේ අරගලය මේ බිමේ හැරවීමක් වියයුතුය. එහෙයින්ම මේ සටහන තැබීමට වගකීමක් ඇති බව අපි විශ්වාස කරමු.
2008 සැප්තැම්බරයේ අතුරුදහන් වූ එම පිරිසේ සිටි මොහොමඩ් ඩිලාන් මොහොමඩ් එවකට 24 වියේ පසු වූ තරුණයාගේ මව වන ජෙනිෆර් වීරසිංහ 2009 වසරේ සිට අද වෙනතුරු තම දරුවාගේ ජීවිතය වෙනුවෙන් අඛණ්ඩ අරගලයක නිරතව සිටියි.
අපේ දරුවෝ ඉන්නවා ඒක විශ්වාසයි!
බලාපොරොත්තුව තුළ දවස් ගෙවෙන ඒ ජීවිත අඳුරු මතකයන් හා සිදුවීම් හා සමඟ පොරබදිමින්ය. ඉතින් ඔවුන්ට යුක්තිය හැර අන් යමක් අවැසි නැත.
[youtube height="300" width="560" align="left|right|none"http://www.youtube.com/watch?v=Mp0wSQdAfp8[/youtube]
දැන්වත් දරු දුක තේරෙනවද?
දරුවන් සොයා ගැනීමට ඔවුන් නොගත් වෙහෙසක් නොමැත. නොගිය තැනක් නොමැත. නොලියපු ලියුම් කරදහියක් නොමැත. එහෙත් ඒ හඬ ඇසුණේ කීයෙන් කී දෙනාටද?
[youtube height="300" width="560" align="left|right|none"]http://www.youtube.com/watch?v=QyWmySiiHU4[/youtube]
පැහැර ගත්ත කියලා පිළිගන්නවා නම් දරුවන්ට මිකද වුණේ කියලා කියන්න!
මේ මොහොත වන විට ඔවුන් බොහෝ දුර පැමිණ තිබේ. සමාජයෙන් වසන් කරන්නට උත්සහ ගැනුණු එම සිදුවීම නැවත කරළියට පැමිණෙන්නේ එහෙයිනි. එම අතුරුදහන් කිරීමට සම්බන්ධ බවට සැක පිට පිරිසක් දැන් අත්අඩංගුවේය. හෙට දිනයේදී තවත් බොහේ දේ අනාවරණ වීමට නියමිතය. එනිසාවෙන්ම විවිධ වූ වේශයන්ගෙන් බාධකිරිම්ය.
[youtube height="300" width="560" align="left|right|none"]http://www.youtube.com/watch?v=-5RVZGIirKw[/youtube]
වැඳලා කියන්නේ දේශපාලකයන් මේකට මැදිහත් වෙන්න එපා CID ය වැඩේ කරයි!
ඇතැමෙකුට අනෙකාගේ වේදනාව වැටහීමට නම් එකී වේදනාව තමන්ගේ දෙපතුල ළඟටම පැමිණිය යුතුය. කඳුළු කෙතරම් බර වැඩිද යන්න හැගෙන්නේ තම තමන්ගේම ඇසෙන් කදුළු වැටෙන විටය. ඇතැමෙක් සිනා සෙන විට ඒ සිනාව තවකෙකුගෙන් උදුරා ගෙන ඇත්තේ ඒ මනුෂ්ය බැඳීම් මායිම් නොකළ හෙයිනි. එහෙත් දැන් අවැසි කම්පාව හෝ අනුකම්පාව නොව සැබෑ ලෙසම යුක්තියයි.
[youtube height="300" width="560" align="left|right|none"]http://www.youtube.com/watch?v=EyQRH8n0uig[/youtube]
ආශිකා බ්රාහ්මණ / නිශාන්ත ප්රියදර්ශන
COMMENTS