අගමැතිවරයා මේ බව සඳහන් කළේ අද (18) අරලිය ගහ මන්දිරයේ පැවති නියගයෙන් පිඩාවට පත් ජනතාවට පානීය ජලය සැපයීම සඳහා ට්‍රැක්ටර් ජල බවුසර් ලබාදීමේ ...
අගමැතිවරයා මේ බව සඳහන් කළේ අද (18) අරලිය ගහ මන්දිරයේ පැවති නියගයෙන් පිඩාවට පත් ජනතාවට පානීය ජලය සැපයීම සඳහා ට්‍රැක්ටර් ජල බවුසර් ලබාදීමේ වැඩසටහනේ දෙවන අදියරට සහභාගී වෙමිනි. ඒ අනුව නව ආර්ථික සැලසුම් ගැන දැනටමත් සාකාච්ජා ආරම්භ කර ඇති බවයි වික්‍රමසිංහ මහතා සඳහන් කළේ. කෙස් එවෙතත් පරිසරය ආරක්ෂා කරගනිමින් සංවර්ධන කටයුතු සිදුකළ යුතු බව හෙතෙම ප්‍රකාශ කළේය.
"අපේ කලාපයේ මෙන්ම ලොව අනෙක් කලාපවලද දේශගුණ පරිවර්තනයක් සිදුවෙනවාදැයි අවධානය යොමු කළ යුතු වෙනවා.එක්සත් ජාතීන්ගේ සංවිධානයේ සමහර නිලධාරීන්,උපදේශකවරුන් කියන්නේ ලෝකය දරුණු නියං තත්ත්වයක් කරා ගමන් ගනිමින් සිටින බවයි. ඉන්දියාවේ ඇතැම් ප්‍රදේශ අපටත් වඩා දරුණු නියං තත්ත්වයකට මුහුණ දී සිටිනවා. එසේ නම් මෙය අලුත් තත්ත්වයක් බව කිව යුතුයි. ජනාධිපති මෛත්‍රීපාල සිරිසේන මහතා පැරිස් ගිවිසුමට අත්සන් කළේ මෙවැනි තත්ත්වයන් පිළිබඳ කල්පනා කිරීමෙන් අනතුරුවයි. මීට පෙර වකවානු වලත් අපි නියං තත්ත්වයන්ට මුහුණ දී තිබෙනවා. නමුත් මෙම තත්ත්වය එවන් ස්වභාවික තත්ත්වයක්ද යන්න පිලිබඳ විමර්ශනය කළ යුතුව තිබෙනවා. ඇතැම් විට ස්වභාවයෙන්ම නියං උදා වෙනවා. නැත්නම් වැසි සහිත කාලගුණයක් පවතිනවා. අද දවස වෙද්දී ඉන්දියාව, බංග්ලාදේශය ඇතුළු රටවල් ගණනාවක් මේ තත්ත්වයට මුහුණ දී සිටිනවා."
කෙසේ වෙතත් ඉදිරි මාස කිහිපය තුළ තුළත් නියං තත්ත්වය පැවතුනහොත් ඒ පිළිබඳ සලකා බලා තීන්දු තීරණ ගනීමට ක්‍රියා කරන බව අගමැතිවරයා වැඩිදුරටත් පැවසීය.
පොළොන්නරුව,අනුරාධපුරය,පුත්තලම,කුරුණෑගල සහ ගම්පහ යන නියගයෙන් පීඩා විදින දිස්ත්‍රික්ක වෙත බවුසර් සහ ට්‍රැක්ටර් ලබා දීම සිදු විය.
ආශිකා බ්‍රාහ්මණ
COMMENTS