තමන්ට අගමැතිවරයා පුද්ගලිකව හිතවත් බවත්, නමුත් මහින්ද රාජපක්ෂ හිටපු ජනාධිපතිවරයා යුතුකම් ඉෂ්ඨ කළ බවත් හිටපු අමාත්‍ය මර්වින් සිල්වා මහතා පවස...
තමන්ට අගමැතිවරයා පුද්ගලිකව හිතවත් බවත්, නමුත් මහින්ද රාජපක්ෂ හිටපු ජනාධිපතිවරයා යුතුකම් ඉෂ්ඨ කළ බවත් හිටපු අමාත්‍ය මර්වින් සිල්වා මහතා පවසයි.
මර්වින් සිල්වා මහතා ඊයේ (17) අස්ගිරි පාර්ශවයේ මහ නායක අති පූජ්‍ය වරකාගොඩ ශ්‍රී ඥානරතන හිමියන් බැහැ දැක රටේ වත්මන් තත්වය පිළිබඳ සාකච්ඡාවක නිරත විය.
එහිදී මර්වින් සිල්වා මහතා මෙසේද සඳහන් කළේය.
“මේ යන විදිය හරි නෑ.පුද්ගලිකව අගමැතිතුමාට මම හරි හිතවත්.මට කතා කරනවා.ජනාධිපතිතුමත් මට කතා කරනවා.දැන්නම් මොනවා හරි කරන්න කාලය ඇවිල්ලා.රනිල් මහත්තයා යුරෝපෙත් එක්ක තමයි වැඩ කරන්නේ.ජනාධිපතිතුමාට අමතකයි විධායක ජනාධිපති බලතල පාවිච්චි කිරීම සම්බන්ධයෙන්.මහින්ද රාජපක්ෂ මහත්මයාට අදත් දොස් කියන්නේ නැත්තේ විනාශ වෙන්න නැතිවෙන්න ගිය රට විදේශිකයන්ට ඔලුව පාත් නොකර එයා ඒ යුතුකම ඉෂ්ඨ කළා.අපි ඒකට සදාකාලික ණයගැතියි.නමුත් සහෝදරයෝ දෙන්නයි ඒ පරම්පරාවේ කට්ටියයි ඒ මනුස්සයාව විනාශ කළා.”
අමාත්‍යවරයා පසුව මෙසේද අදහස් දැක්විය.
“මං ඇත්තෙන්ම ආවේ ආණ්ඩු හදන්නවත්,ආණ්ඩුවලට යන්නවත් නෙවෙයි.මහ නායක හාමුදුරුවෝ ඉස්සෙල්ලා කිව්වේ ඔබ තුමා නැති පාඩුව දැන් අපට තේරෙනවා කිව්වා.මං කිව්වා මට නොයින්න වැඩ කරේ,නාමයෝජනා නොදුන්නේ බැසිල් රාජපක්ෂ මැතිතුමාගේ නායකත්වයෙන්.මං ලංකාවේ හතර වෙනියට චන්ද ගත්ත කෙනා ශ්‍රී ලංකා නිදහස් පක්ෂයෙන්.මහින්ද රාජපක්ෂ මැතිතුමා ජනාධිපතිතුමා හැටියට මට සම්මානයක් දුන්නා.එහෙම එකාට නොමිනේෂන් නැහැ.ඉතින් මහ නායක හාමුදුරුවෝ කිව්වා ඔබ තුමා ඉන්න ඕනේ වෙලාවට ඉන්න ඕනේ මිනිහා අපිට ඒ ගැන බොහොම කණගාටුයි එහෙම කිව්වා.මම දැන් යෝජනා කරන්න ආවේ මේ ගමන මෙහෙම ගියොත් ඉතාම නරක තත්වයක් එනවා.මේකට කාගෙන්වත් සමාවක් කාටවත් ලැබෙන්නේ නැහැ.මොකද පාලකයන්ට ලැජ්ජත් නෑ.බයත් නෑ.පන්සිල් පද 5 ට උඩින් ඉන්නේ ලජ්ජා බය තියෙන මිනිස්සු.ලැජ්ජා බය නැති නිසා තමයි මේ සේරම වෙන්නේ.ඉස්සෙල්ලා මං කියනවා ලැජ්ජා බය හදාගන්න කියලා.”
අනතුරුව මල්වතු මහ විහාරයට පැමිණි හිටපු අමාත්‍යවරයා මාධ්‍යට අදහස් දැක්විය.
“ගස් බැන්ද නිසා තමයි ඩෙංගු රෝගය එතනින් නැවතුණේ.අද ලක්ෂයක් ඉන්නවා රෝගීන්.මං ගස් බැන්දේ නැහැ රටට ඔබින විදියට ඒ ළමයට කියලා මං ගස් බන්ද ගත්තා.මං බැන්දයි කියන්නකෝ.මොකෝ මං ස්ත්‍රී දුෂණ කරලා තියෙනවද?මං හොරකම් කරලා තියෙනවායැයි”
COMMENTS