දක්ෂිණ අධිවේගී මාර්ගයේ ගොඩගම පිවිසුමෙන් ඇතුළු වූ ගිලන් රථයක දොර ඇරීම හේතුවෙන් එහි සිටි ගැබිණි කාන්තාවක් බිම වැටී ඇති බව වාර්තා වේ. ඒ සමග...
දක්ෂිණ අධිවේගී මාර්ගයේ ගොඩගම පිවිසුමෙන් ඇතුළු වූ ගිලන් රථයක දොර ඇරීම හේතුවෙන් එහි සිටි ගැබිණි කාන්තාවක් බිම වැටී ඇති බව වාර්තා වේ.
ඒ සමගම ගිලන් රථයේ සිටි පිරිස එම ගැබිණි කාන්තාව යළි ගිලන් රියට නංවාගෙන කොළඹ දෙසට ගමන් කර ඇති බවත් දක්ෂිණ අධිවේගී මාර්ගයේ පාලනාධිකාරිය සඳහන් කරයි.
එම අවස්ථාවේදී එම ගිලන් රියෙහ් ගැබිණි කාන්තාව සමග තවත් රෝගීන් දෙදෙනකු සිටි බවද වාර්තාවේ. ගිලන් රථය තංගල්ල රෝහලට අයත් එකක් බව වාර්තාවේ.
මේ සම්බන්ධයෙන් අදහස් දක්වමින් තංගල්ල රෝහලේ වෛද්‍ය අධිකාරී ඉරංගා යද්දෙහිගේ මහත්මිය පැවසූයේ තංගල්ල රෝහලේදී දරු ප්‍රසූතිය සිදුකළ මවක වැඩිදුර ප්‍රතිකාර සඳහා අද (04) ගිලන් රථයෙන් රැගෙන යමින් සිටියදී එම ගිලන් රථය මාතර ගොඩගම පිවිසුමෙන් දක්ෂිණ අධිවේගී මාර්ගයට ඇතුළු කරන අවස්ථාවේ ගිලන් රථයේ පිටුපස දොර විවෘත වී එම මව ගිලන් රථයෙන් ඇද වැටී ඇති බවයි.
එම මවගේ තත්ත්වය බරපතළ නොවන අතර, අනතුර සිදුවන අවස්ථාවේ ගිලන් රථය තුළ තවත් රෝගීන් කිහිපදෙනෙකු සිටියද ඔවුන්ටද කිසිදු තුවාලයක් සිදුව නොමැත.
අනතුරට පත් මව හා අනෙක් රෝගීන් වැඩිදුර ප්‍රතිකාර සඳහා කරාපිටිය රෝහල වෙත යොමුකිරීම සඳහා රැගෙන යමින් සිටියදී මෙම අනතුර සිදුව තිබේ. අදාළ සිදුවීම සිදුවන අවස්ථාවේ ගිලන් රථය තුළ සිටි රෝගීන් ප්‍රමාණය හා කාර්යමණ්ඩලය පිළිබඳව කිසිවක් ප්‍රකාශ කළ නොහැකි බවත් අදාළ සිදුවීම සම්බන්ධයෙන් ඉහළ නිලධාරීන් දැනුවත් කළ බවත් වෛද්‍ය අධිකාරිවරිය පවසා සිටියාය.
අනතුරට ලක්වූ මව ගාල්ල කරාපිටිය රෝහලේදී අද සිදුකළ වෛද්‍ය පරීක්ෂණයෙන් අනතුරුව නැවත තංගල්ල මූලික රෝහල කරා රැගෙන ඒමට නියමිත බවත් එම සිදුවීම සම්බන්ධයෙන් විධිමත් පරීක්ෂණයක් පැවැත්වීමට කටයුතු අරඹා ඇති බවත් වෛද්‍ය අධිකාරිවරිය සඳහන් කළාය.
COMMENTS