මෙරට අධිකරණ තුළ ස්වාධීනත්වයක් නැති බව පවසන එකම පුද්ගලයා මහාචාර්ය සරත් විජේසූරිය මහතා බව අධිකරණ අමාත්‍ය විජයදාස රාජපක්ෂ මහතා ප්‍රකාශ කරයි. ...
මෙරට අධිකරණ තුළ ස්වාධීනත්වයක් නැති බව පවසන එකම පුද්ගලයා මහාචාර්ය සරත් විජේසූරිය මහතා බව අධිකරණ අමාත්‍ය විජයදාස රාජපක්ෂ මහතා ප්‍රකාශ කරයි.
ඒ මහතා මේ බව ප්‍රකාශ කළේ පසුගිය දිනක ස්වර්ණවාහිනී නාලිකාව ඔස්සේ විකාශය වූ දේශපාලන සංවාද වැඩසටහනක් අතරතුරදීය.
මහාචාර්ය සරත් විජේසූරිය මහතා විසින් විජයදාස රාජපක්ෂ අමාත්‍යවරයා සම්බන්ධයෙන් කරන ලද ප්‍රකාශයක් පිළිබඳව මෙහිදී සංවාදයට ලක්වී තිබේ.
විජයදාස රාපක්ෂ මහතා අධිකරණ අමාත්‍යවරයාව සිටින තුරු කිසිදු රාජපක්ෂවරයෙක් අත්අඩංගුවට නොගන්නා බවත් අධිකරණයේ ස්වාධීනත්වයක් දැකිය නොහැකි බවත් පසුගිය දිනක මහාචාර්ය සරත් විජේසූරිය මහතා ප්‍රකාශ කොට තිබූ බව මෙහිදී අමාත්‍යවරයා හෙළිදරව් කළේය.
ඒ සම්බන්ධයෙන් අදහස් දැක්වූ අමාත්‍යවරයා කියාසිටියේ," එතුමා වගකීමෙන් තොරව මාධ්‍ය හරහා ඕපදුප කතා කරනවා දැක්කත් විශ්වවිද්‍යාල ආචාර්යවරුන්ට අපි ගරු කරන නිසා මම ඒක බරපතලව ගත්තේ නෑ. නමුත් ඔහු මේ වෙලාවේ බරපතල චෝදනාවක් ඉදිරිපත් කරන නිසා මම ඔහුට අභියෝග කරනවා මා සමඟ සජීවී සංවාදයකට. ඔහු ඔප්පු කරන්න ඕන මම පාර්ලිමේන්තුවේදී හෝ වෙන කොහෙදි හරි එහෙම ප්‍රකාශයක් කලාද නැද්ද කියලා." ලෙසයි.
වැඩිදුරටත් අදහස් දැක්වූ ඒ මහතා ප්‍රකාශ කළේ, " අද මේ රටේ අධිකරණයේ ස්වාධීනත්වය ගැන කව්රුවත් චෝදනා කරන්නේ නෑ. ඒකාබද්ධ විපක්ෂයේ කව්රුවත් චෝදනා කරන්නෙත් නෑ. අද අධිකරණයේ ස්වාධීනත්වය ගැන ජාත්‍යන්තරය ප්‍රශ්න කරන්නෙත් නෑ. අද අධිකරණය ස්වාධීන වෙලා නෑ කියන එකම එක්කෙනා මහාචාර්ය සරත් විජේසූරිය" යනුවෙනි.
එම වීඩියෝව පහතින්.
COMMENTS