ගෙවීගිය දශකයක කාලය තුළදී මෙරට ජනතාවට කාර්යක්ෂම සේවාවක් සපයන විශිෂ්ට රාජ්‍ය ආයතනය බවට ශ්‍රී ලංකා විභාග දෙපාර්තමේන්තුව පත්ව ඇති බව රජයේ ගිණු...
ගෙවීගිය දශකයක කාලය තුළදී මෙරට ජනතාවට කාර්යක්ෂම සේවාවක් සපයන විශිෂ්ට රාජ්‍ය ආයතනය බවට ශ්‍රී ලංකා විභාග දෙපාර්තමේන්තුව පත්ව ඇති බව රජයේ ගිණුම් පිළිබඳ කාරක සභාව පවසයි.
ඔවුන් පසුගිය මාස03ක කාලය තුළ රාජ්‍ය ආයතන සහ දෙපාර්තමේන්තු 38ක් යොදාගනිමින් සිදුකරන ලද විමර්ශනයක ප්‍රතිඵලවලට අනුව විභාග දෙපාර්තමේන්තුව විශිෂ්ටම රාජ්‍ය ආයතනය බවට එම කාරක සභාව කරුණු අනාවරණය කොට ගෙන තිබේ.
රජයේ ආදායම කෙරෙහි වැඩිම දායකත්වයක් සපයන ශ්‍රී ලංකා රේගුව, දේශීය ආදායම් දෙපාර්තමේන්තුව, සුරාබදු දෙපාර්තමේන්තුව ඇතුළු ප්‍රධාන ආයතනවලට වඩා විභාග දෙපාර්තමේන්තුවේ සමස්ත කාර්යය සාධනය, විශ්වාසනීයභාවය ඉතා ඉහළ මට්ටමක පවතින බව රජයේ ගිණුම් පිළිබඳ කාරක සභාව පවසයි.
රජයේ ගිණුම් පිළිබඳ කාරක සභාව රාජ්‍ය ආයතනවල මූල්‍ය කටයුතු පාලනය කිරීමට පාර්ලිමේන්තුව මගින් පත් කළ අධීක්ෂණ කමිටුවක් ලෙස ක්‍රියාත්මකය.
එම සභාව ඉදිරිපත් කළ පළමු වාර්තාවට අනුව රජයේ ප්‍රධාන ආයතනවල පරිගණක සහ තොරතුරු තාක්ෂණය ඉතා දුර්වල මට්ටමක පවතින බවට ද අනාවරණය වී ඇත.
කෙසේවෙතත් විභාග දෙපාර්තමේන්තුවේ සමස්ත කාර්ය සාධානය සහ තොරතුරු තාක්ෂණ භාවිතය ඉතා ඉහළ මට්ටමක පවතින බව රජයේ ගිණුම් පිළිබඳ කාරක සභාව සඳහන් කළේය.
විභාග දෙපාර්තමේන්තුවේ මෙම විශිෂ්ටත්වය සම්බන්ධයෙන් රජයේ ගිණුම් පිළිබඳ කාරක සභාව එම දෙපාර්තමේන්තුවට සිය ප්‍රසංශාව ද පළ කර තිබේ.
COMMENTS