බැඳුම්කර සිද්ධියට චෝදනා එල්ල වී තිබෙන සමාගම පසුගිය වසරේ පෙබරවාරි 27 වනදින සිට මේ වසරේ මාර්තු 29 දක්වා කාලය තුළ මහ බැංකුවෙන් රුපියල් බිලියන...
බැඳුම්කර සිද්ධියට චෝදනා එල්ල වී තිබෙන සමාගම පසුගිය වසරේ පෙබරවාරි 27 වනදින සිට මේ වසරේ මාර්තු 29 දක්වා කාලය තුළ මහ බැංකුවෙන් රුපියල් බිලියන 66ක ණය ලබාගෙන තිබෙන බව කෝප් කමිටු සාමාජික අමාත්‍ය දයාසිරි ජයසේකර මහතා පවසයි.
එලෙස ලබාගත් ණය මුදල් බැඳුම්කර හරහා නැවත මහ බැංකුවට ලබාදී තිබෙන බවත් ඒ හරහා ඔවුන් 1853% ක ලාභයක් ලබාගෙන තිබෙන බවත් පෙරේදා (27) පැවති මාධ්‍ය සාකච්ඡාවකදී ඔහු සඳහන් කළේය.
අමාත්‍ය දයාසිරි ජයසේකර මහතා වැඩිදුරටත් පැවසුවේ රුපියල් බිලියන 66ක් ලබාගෙන තිබෙන්නේ දුරකථන ඇමතුම් ලබාදීමෙන් බවත් මීට අමතරව ලංකා බැංකුවෙන් එක් දුරකථන ඇමතුමකින් රුපියල් බිලියන 13ක් ලබාගෙන තිබෙන බවට හෙළිවී ඇති බවත්ය.
මහ බැංකුව විසින් රුපියල් බිලියන 66 ලබාදීමේදී කිසිදු ආරක්ෂිත ක්‍රමවේදයක් භාවිතකර නොමැති බවත් මේ පිළිබඳව හෙළිවීමෙන් පසු ඔවුන්ට රුපියල් මිලියන 21ක දඩ මුදලක් පනවා තිබෙන බවත් අමාත්‍යවරයා සඳහන් කළේය.
COMMENTS