තේ පරීක්ෂකවරුන් දිගින් දිගටම අල්ලස් ගැනීමට ගියහොත් තමන් ඔවුන්ට එරෙහිව දැඩිව නීතිය ක්රියාත්මක කරන බවත් එවන් වරදක් කළ කිසිවෙකුට කිසිදු සමාව...
තේ පරීක්ෂකවරුන් දිගින් දිගටම අල්ලස් ගැනීමට ගියහොත් තමන් ඔවුන්ට එරෙහිව දැඩිව නීතිය ක්රියාත්මක කරන බවත් එවන් වරදක් කළ කිසිවෙකුට කිසිදු සමාවක් නොදෙන බවත් වැවැලි කර්මාන්ත අමාත්‍ය නවීන් දිසානායක මහතා පවසයි.
අමාත්‍යවරයා මේ බව ප්‍රකාශ කළේ පසුගිය 03 වනදා යක්කලමුල්ල ප්‍රදේශයේ කුඩා තේ වත හිමියන්ට පොහොර සහනාධාර ලබාදීම නිමිත්තෙන් පැවති උත්සවයකදීය.
එහිදී අදහස් දැක්වූ අමාත්‍යවරයා," විශේෂයෙන්ම තේ මණ්ඩලයේ තියෙන නාස්තිය හා දුෂණය නතර කිරිමට කටයුතු කරනවා. තේ මණ්ඩලයට මම පැහැදිලිවම කියලා තියෙන්නේ තේ මිශ්‍ර කරනවානම්, කසල තේ කරනවානම් ඒ කර්මාන්ත ශාලා වහාම වසා දමන්න කියලා. කිසිම සමාවක් දෙන්න එපා. අතයට මුදල් ගන්න එක බැහැ. තේ මිශ්‍ර කරන්න බැහැ. කසල කරන්න බැහැ. අපට ඕන ගුණාත්මක තේ ලෝකයට ලබා දෙන්න. එහෙම කළහොත් පමණයි අපේ සිලොන් ටී නාමය ආරක්ෂා වන්නේ. පසුගිය වසර දහය තුලදී දේශපාලනීකරණය වීම නිසා තේ කර්මාන්තය දවසින් දවස කඩා වැටුනා. යහපාලන ආණ්ඩුවේ ප්‍රධාන අරමුණක් තමයි දුෂණය හා නාස්තිය අවම කිරිම. මේ රජය යටතේ දුෂණය නාස්තිය අඩු වෙලා තියෙනවා. පවුල් සමාගම් නැහැ." යනුවෙන් කියාසිටියේය.
එමෙන්ම වැවිලි කර්මාන්ත අමාත්‍යංශය තවත් වසර 03ක් යනතෙක් වෙනස්කම් වලට භාජනය නොකර තිබුණහොත් තමාට තේ කර්මාන්තය වඩා හොඳ තැනකට ගෙන යා හැකි බවත් තේ කේෂ්ත්‍රයේ පවතින දූෂණය හා නාස්තිය තමා සම්පූර්ණයෙන්ම නැති කිරීමට කටයුතු කරන බවත් අමාත්‍යවරයා මෙහිදී ප්‍රකාශ කළේය.
වැඩිදුරටත් අදහස් දැක්වූ දිසානායක මහතා," කුඩා තේ වතු හිමියන්ට සහනාධාර ලබා දෙන්න අපි ලොකු සටනක් කළා. කුඩා තේ වතු හිමියන් විදින දුක අපි දැක්කා. තේ කර්මාන්තයේ නියලෙන සියලුදෙනා වෙනුවෙන් හඩක් නැගිම මගේ වගකිමක්. ඒ නිසාම තමයි යම් කිසි අවස්ථාවක තේ මණ්ඩලයේ මුදල් ගන්න කියලා තර්කයක් ඉදිරිපත් වු අවස්ථාවේ මගේම බෙල්ල තියලා. මගෙම තනතුරු පරිත්‍යාගකරන්න ගියේ. අපේ මේ කේෂ්ත්‍රයට හරි ආදරෙයි. අපි හැදුණේ වැඩුණේ මේ කේෂ්ත්‍රය තුල. පසුගිය කාලයේ අපේ තේ කර්මාන්තයේ විශාල පසුබෑමක් ඇති වුනා. තේ කර්මාන්තය මෙතරම් ශක්තිමක් තැනක තියෙන්නේ නැහැ. කුඩා තේ වතු හිමියන් මේ කර්මාන්තය ආරක්ෂා කළේ නැත්නම්. කුඩා තේ වතු හිමියන් තමයි සියයට 73ක් තේ දළු නිෂ්ෂාදනය කරන්නේ. වැවිලි සමාගම් නිෂ්ෂාදනය කරන්නේ සියයට 27ක්" යි පැවසීය.
මෙම අවස්ථාවට ජනමාධ්‍ය අමාත්‍ය ගයන්ත කරුණාතිලක මහත ද එක්ව සිටියේය.
ගාල්ල - ලලිත් චාමින්ද
COMMENTS