හිටපු ජනාධිපති, පාර්ලිමේන්තු මන්ත්‍රී මහින්ද රාජපක්ෂ මහතා තම ධූරයෙන් සමුගන්නා අවස්ථාවේ තම පුතු වන නාමල් රාජපක්ෂ මහතා මෛත්‍රීපාල සිරිසේන මහ...
හිටපු ජනාධිපති, පාර්ලිමේන්තු මන්ත්‍රී මහින්ද රාජපක්ෂ මහතා තම ධූරයෙන් සමුගන්නා අවස්ථාවේ තම පුතු වන නාමල් රාජපක්ෂ මහතා මෛත්‍රීපාල සිරිසේන මහතාට භාරදුන්නේ නම් ඔහුව අද හොඳින් බලාගන්නා බව අමාත්‍ය විජිත් විජයමුණි මහතා ප්‍රකාශ කරයි.
ඒ මහතා මේ බව ප්‍රකාශ කළේ ඊයේ (02) ශ්‍රීලනිප මූලස්ථානයේදී මාධ්‍යවේදීන් විසින් ඇසූ ප්‍රශ්නවලට පිළිතුරු දෙමිනි.
එහිදී මාධ්‍යවේදීන් හමුවේ අමාත්‍යවරයා කියාසිටියේ, "ඊයේ දිනය ගැන කනගාටුයි. වනචාරි විදියට හූ කියාගෙන මෙතනින් ගියා. මේ රටේ ජනතාව දැක්කා ඒ අයගේ පාද යාත්‍රාව. හැබැයි ඒ අයට ආණ්ඩු පෙරළන්න බෑ. ඒ අයගේ. කෙණ්ඩනම් පෙරළෙන්න ඇති මහනුවර ඉඳලා කොළඹ ඇවිල්ලා. මහින්ද එදා පක්ෂයේ සභාපතිකම මෛත්‍රිපාල සිරිසේන මහතාට බාරදුන් අවස්ථාවේ මෙන්න මෛත්‍රී මගේ පුතා කියා නාමල් බාරදුන්නානම් අද නාමල්ට පාරේ ජෝගි නටන්න දෙන්නේ නෑ. පුතා ඔහොම කරන්න එපා කියලා කියනවා. ඒ ගොල්ලෝ කුලවාදී, ජාතිවාදී, අන්තවාදී තව ස්ටෙප් එකක් තියෙනවා ඒකතමයි ත්‍රස්තවාදී. යන්න නෙවෙයි ආයේ එන්නේ කියද්දී මම දන්නේ නෑ මහින්ද රාජපක්ෂ මහත්තයා ත්‍රස්තවාදී ව්‍යාපාරයක් ආරම්භ කරන්න යනවාද කියලා. නමුත් එතුමා දැනගන්න ඕන ගරුත්වය රැකගන්න. ඒ අය එහෙම එනවා නම් අපිත් සුදානම් අභියෝගවලට මුහුණදෙන්න. මෛත්‍රිපාල සිරිසේන කියන්නේ කැඳ කෝමාරිකා සෙවල බණ්ඩක්කා නොවෙයි.එතුමා තනියම එළියට බැහැලා දිනුවේ. ඔය කියපු මහලොකු නායකයෝ තමයි පැරැද්දුවේ. අපි හිටියෙත් නෑ. අපි ආවේ ජනවාරී 8 වැනිදායින් පස්සේ." යනුවෙනි.
වැඩිදුරටත් අදහස් දක්වමින් අමාත්‍යවරයා කියාසිටියේ වර්තමාන සම්මුතිවාදී ආණ්ඩුවේ සිටියද එක්ව ගමන් කරමින් පක්ෂයක් ලෙස තනිව සටන කරන බවයි.
වීඩියෝව පහතින්.
COMMENTS