මැලේසියාවේ පැවැත්වෙන ආසියානු දේශපාලන පක්ෂවල ජාත්‍යන්තර සම්මේලනය නියෝජනය කිරීම සදහා ප්‍රාථමික කර්මාන්ත අමාත්‍ය දයා ගමගේ මහතා සහ නියෝජ්‍ය අම...
මැලේසියාවේ පැවැත්වෙන ආසියානු දේශපාලන පක්ෂවල ජාත්‍යන්තර සම්මේලනය නියෝජනය කිරීම සදහා ප්‍රාථමික කර්මාන්ත අමාත්‍ය දයා ගමගේ මහතා සහ නියෝජ්‍ය අමාත්‍ය අනෝමා ගමගේ මහත්මිය හෙට (01) දිවයිනෙන් පිටත්ව යාමට නියමිතය.
එක්සත් ජාතික පක්ෂයේ ජ්‍යෙෂ්ඨ උප සභාපතිවරයා ද වන දයා ගමගේ මහතා මේ වනවිට ආසියානු දේශපාලන පක්ෂවල ජාත්‍යන්තර සම්මේලනය (ICAPP) හි ස්ථාවර කාරක සභාවේ සාමාජිකයකු ලෙස ද කටයුතු කරයි.
එක්සත් ජාතික පක්ෂය නියෝජනය කරමින් මෙම සමුළුවට සහභාගී වන නියෝජ්‍ය අමාත්‍ය වෛද්‍ය අනෝමා ගමගේ මහත්මිය, ආසියානු දේශපාලන පක්ෂවල ජාත්‍යන්තර සම්මේලනයේ උප සභාපතිවරියක ලෙස කටයුතු කරන අතර කාන්තා නියෝජිත කමිටුව ද නියෝජනය කරයි.
අමාත්‍ය දයා ගමගේ මහතා සහ නියෝජ්‍ය අමාත්‍ය වෛද්‍ය අනෝමා ගමගේ මහත්මිය සැලකෙන්නේ ආසියානු දේශපාලන පක්ෂවල ජාත්‍යන්තර සම්මේලනය අඛණ්ඩව නියෝජනය කළ නියෝජිතයින් දෙදෙනෙකු ද වේ.
COMMENTS