රන් ආලේපිත ටී-56 ගිනිඅවියක් ළඟ තබාගැනීමේ සිද්ධිය සම්බන්ධයෙන් කෙරෙන විමර්ශනවලට අදාළව, හිටපු අමාත්ය දුමින්ද දිසානායක නැවතවරක් සැකකරුවකු ලෙස න...
රන් ආලේපිත ටී-56 ගිනිඅවියක් ළඟ තබාගැනීමේ සිද්ධිය සම්බන්ධයෙන් කෙරෙන විමර්ශනවලට අදාළව, හිටපු අමාත්ය දුමින්ද දිසානායක නැවතවරක් සැකකරුවකු ලෙස නම් කරමින් ඉදිරි දිනයකදී අධිකරණය හමුවේ පෙනීසිටින ලෙස ගල්කිස්ස මහේස්ත්රාත් අධිකරණය නියෝග කර තිබේ.
මෙම සිද්ධිය සම්බන්ධයෙන් සිදුකෙරෙන විමර්ශනවලදී දුමින්ද දිසානායකට එරෙහිව ප්රමාණවත් සාක්ෂි පවතින බවට නීතිපතිවරයා විසින් අධිකරණයට දැනුම්දීමෙන් අනතුරුව මහේස්ත්රාත්වරයා විසින් මෙම නියෝගය නිකුත්කරන ලදී.
වැල්ලවත්ත හැව්ලොක් සිටි නිවාස සංකීර්ණයේ තිබී මෙම රන් ආලේපිත ටී-56 ගිනිඅවිය සොයාගැනුණු අතර, ඒ සම්බන්ධයෙන් 2025 මැයි මාසයේදී ද දුමින්ද දිසානායක අත්අඩංගුවට ගනු ලැබීය.
මෙම ගිනිඅවිය සන්තකයේ තබාගැනීමේ චෝදනාව මත මුලින්ම වයස අවුරුදු 40 සහ 68 යන වයස්වල පසුවන කාන්තාවන් දෙදෙනකු අත්අඩංගුවට ගත් අතර, පසුව එම විමර්ශන කටයුතු ත්රස්ත විමර්ශන කොට්ඨාසය වෙත පවරනු ලැබීය.
ත්රස්ත විමර්ශන කොට්ඨාසය විසින් සිදුකරන ලද දීර්ඝ විමර්ශනවලින් අනතුරුව දුමින්ද දිසානායක අත්අඩංගුවට ගෙන අධිකරණයට ඉදිරිපත් කළද, ඒ වන විට ඔහුට එරෙහිව නීතිමය පියවර ගැනීමට තරම් ප්රමාණවත් සාක්ෂි නොමැති බව දැනුම්දීම හේතුවෙන් ඔහුව මුදාහැරීමට අධිකරණය කටයුතු කළේය.
කෙසේවෙතත්, හිටපු අමාත්යවරයාට එරෙහිව නඩු කටයුතු ඉදිරියට පවත්වාගෙන යෑමට ප්රමාණවත් සාක්ෂි පවතින බවට නීතිපතිවරයා දැන් උපදෙස් දී ඇති අතර, ඒ අනුව ඔහුව නැවත වරක් මෙම නඩුවේ සැකකරුවකු ලෙස නම්කර ඇත.
නවතම අධිකරණ නියෝගයට අනුව, මෙම නඩු විභාගය ඉදිරියට පැවැත්වෙන බැවින් දුමින්ද දිසානායකට ගල්කිස්ස මහේස්ත්රාත් අධිකරණය හමුවේ පෙනීසිටීමට සිදුවනු ඇත.
මේ පුවත තව අයට බලන්න
COMMENTS