සිමාසහිත මිල්කෝ පුද්ගලික සමාගම විසින් වාර්ෂික මුල්‍ය ප්‍රකාශ විගණනය කිරීමට පෙර චක්‍ර ලේඛනවලට පටහැනිව විධායක හා විධායක නොවන නිලධාරින්...
සිමාසහිත මිල්කෝ පුද්ගලික සමාගම විසින් වාර්ෂික මුල්‍ය ප්‍රකාශ විගණනය කිරීමට පෙර චක්‍ර ලේඛනවලට පටහැනිව විධායක හා විධායක නොවන නිලධාරින් සදහා ඉකුත් වසර තුන තුල (2020,2021,2022) ප්‍රසාද දිමනා ලෙස රුපියල් අටකෝටි, පනස් පන් ලක්ෂ, හැත්තෑ තුන් දහස් අනුපහක මුදලක් (85,573,095) මුදලක් ගෙවා ඇති බැව් ජාතික විගණන කාර්යාලය පවසයි.
2020 වර්ෂයේ දි චක්‍රලේඛයට පටහැනිව විධායක හා විධායක නොවන නිලධාරින් 1350ක් වෙනුවෙන් එක් නිලධාරියෙකුට රුපියල් 15000 බැගින් ප්‍රසාද දිමනා ගෙවිම සදහා රුපියල් එක් කෝ අනූ ලක්ෂ, අසු හය දහස් තුන්සිය හැත්තෑ පහක මුදලක් (19,086,375) ගෙවා තිබුණි.
2021 වර්ෂයේ අප්‍රේල් මස 09 වැනි දින එක් නිලධාරියෙකුට රුපියල් 20000 බැගින් රුපියල් දෙකෝටි පනස්නව ලක්ෂ, විසි එක් දහස් දෙසිය තිස් අටක මුදලක් (25,921,238) හා එම වර්ෂයේ දෙසැම්බර් මස 21 වැනි දින එක් නිලධාරියෙකුට රුපියල් 11,657 බැගින් රුපියල් එක්කෝටි, හතලිස් අට ලක්ෂ නවසිය හතක (14,800,907) ප්‍රසාද මුදලක් ගෙවා තිබු බවද විගණන වාර්තාවේ සඳහන් වේ.
එමෙන්ම 2022 වර්ෂයේ දි ප්‍රසාද දිමනා ලැබීමට හිමිකම් නොමැති තත්ත්වයක් තුළ දී චක්‍ර ලේඛනයන්ට පටහැනිව 2022 වර්ෂයේ අප්‍රෙල් මස 11 වැනි දින රුපියල් 10000 බැගින් රුපියල් එක්කෝටි, තිස් ලක්ෂ හතලිස් හතර දහස් අටසිය අසු අටක (13,044,888) ප්‍රසාද මුදල් වශයෙන් ගෙවා තිබුණි.
එම වර්ෂයේ දෙසැම්බර් මස 23 වැනි දින එක් කෝටි, විසි හත් ලක්ෂ, දහනම දහස් හයසිය අසු හතක (12,719,687) මුදලක් ප්‍රසාද දිමනා වශයෙන් ගෙවා ඇති බවද විගණනය මගින් අනාවරණය කොට ඇත.
මේ පිළිබද මිල්කෝ ආයතනය විසින් විගණයට සඳහන් කොට ඇත්තේ ප්‍රසාද දිමනා ගෙවිමේ දි රාජ්‍ය ව්‍යාපාර චක්‍රලේඛ අනුගමනය කිරිමක් සිදු නොකර ඇති අතර අධ්‍යක්ෂක මණ්ඩල තිරණ අනුව ප්‍රසාද දිමනා ගෙවා ඇති බවය.
මිල්කෝ ආයතනයේ ගණුදෙනු සම්බන්දයෙන් 2020,2021,2022 යන වර්ෂයන් සදහා මෙකි විගණන වාර්තාව නිකුත්කොට තිබුණි.
-ලලිත් චාමින්ද
COMMENTS