ජන බලයෙන් පිරිහුණු පාලකයන් තම අවසාන කාලය පැමිණි විට සාංඝික දේපළවලට බැල්ම හෙළන බවත් වත්මන් ආණ්ඩුව මෙතරම් ඉක්මනින් එවැනි පරිහානියක් කරා පැමි...
ජන බලයෙන් පිරිහුණු පාලකයන් තම අවසාන කාලය පැමිණි විට සාංඝික දේපළවලට බැල්ම හෙළන බවත් වත්මන් ආණ්ඩුව මෙතරම් ඉක්මනින් එවැනි පරිහානියක් කරා පැමිණෙනු ඇතැයි ජාතික ව්‍යාපාරය කිසිලෙසවත් අපේක්‍ෂා නොකළ බවත් හිටපු පාර්ලිමේන්තු මන්තී‍්‍ර සිංහල රාවය පක්‍ෂයේ නායක පූජ්‍ය අක්මීමණ දයාරතන හිමියෝ පැවසූහ.
නාගරික සංවර්ධන අධිකාරිය මගින් රුපියල් මිලියන 1500 ක් වැය කොට කොළඹ ඞී. එස්. සේනානායක විදුහලේ හා යාබද ශී‍්‍ර බෞද්ධාලෝක විහාරයට අයත් ඉඩම් කොටසක් රජයට පවරාගෙන වාහන අංගනයක් ගොඩනැගීමට ගත් පියවර සම්බන්ධයෙන් සිංහල රාවය පක්‍ෂය දැඩි කම්පනයටත් අපේක්‍ෂාභංගත්වයටත් පත් වූ බවත් උන්වහන්සේ සඳහන් කළහ.
එම සැලසුම හකුළා ගත් බව නාගරික සංවර්ධන අධිකාරිය පැවසුව ද අනතුර පහව ගොස් නැති බවත් කොළඹ පමණක් නොව නාගරික ප‍්‍රදේශවල පිහිටි බෞද්ධ සිද්ධස්ථානවලට අලූත් අනතුරක් නිර්මාණය වී ඇති බවත් අක්මීමණ දයාරතන හිමියෝ පැවසූහ.
උන්වහන්සේ මේ බව පැවසුවේ ඊයේ (04දා) සිංහල රාවය පක්‍ෂ මූලස්ථානයේ පැවැති විශේෂ මාධ්‍ය හමුවේදීය. මේ සඳහා සිංහල රාවය පක්‍ෂයේ මහ ලේකම් ශාලික පෙරේරා ඇතුළු පිරිසක් සහභාගි වූහ.
මෙහිදී පූජ්‍ය අක්මීමණ දයාරතන හිමියෝ මෙසේද පැවසූහ.
”අපි දැක්කා පසුගිය යහපාලන ආණ්ඩුව කාලේදී පමණක් නොවෙයි ඊට පෙරත් බලයේ සිටි පාලකයෝ තමන්ගේ ව්‍යාපාරික මිතුරන් සහ අවස්ථාවාදී නිලධාරීන් සමග කල්ලිගැසී සාංඝික දේපළවලට බැල්ම හෙළන ආකාරය. ඒත් ඒ සියලූ දෙනාගේම අවසානය කවුරුත් විශ්වාස නොකළ ආකාරයට අවසාන වුණා. ඇතැමුන් දේශපාලනයෙන් චුතවෙලා ගියා. නන්නත්තාර වුණා. මහජන බලයෙන් පිරිහෙන, බලයට පත්වීමට ජනතාවට දුන් පොරොන්දු ඉටුකිරීමට නොහැකි පාලකයෝ අවසානයේ යන යකා කොරහත් බිඳගෙන යනවා වාගේ සාංඝික දේපළ පවා කොල්ල කාලා තමන්ගේ ගජ මිතුරන් පිනවීමට පියවර ගන්නා නිර්ලජ්ජිත ඉතිහාසයක් අපට තිබෙනවා.
ඒත් බෞද්ධ භික්‍ෂූන් වහන්සේලා, 99% ක් සිංහල බෞද්ධයන් සහ බෞද්ධ ජාතික ව්‍යාපාරය විසින් බලයට පත් කළ ආණ්ඩුවක්, ජනාධිපතිවරයෙක් යටතේ අපි මෙවැනි පියවරක් කිසිසේත් බලාපොරොත්තු වුණේ නැහැ. අපි බලාපොරොත්තු වුණේ අන්‍යාගමිකයන්, අවස්ථාවාදී දේශපාලනඥයන් විසින් විනාශ කරන ලද, කොල්ලකන ලද සිංහල බෞද්ධ උරුමය යළි තහවුරු කරන, සුරක්ෂිත කරන පාලනයක්. ඒකයි සිංහල බෞද්ධයන් ලෙස, ජාතික ව්‍යාපාරය ලෙස අපේ උතුම්ම, එකම අරමුණ වුණේ. අපිට කළු සල්ලි සුදු කරන්න, රාජ්‍ය දේපළ කොල්ල කන්න, තනතුරු තාන්නමාන්න
ගන්න, වරප‍්‍රසාද ගන්න වුවමනාවක් තිබුණේ නැහැ. අපේ එකම අරමුණ වුණේ සිංහල ජාතික ව්‍යාපාරය දිවිහිමියෙන් රැුකගත් සිංහල බෞද්ධ උරුමය රැුකගැනීමයි. එය සුරක්ෂිත කර දියුණුකර අනාගත පරපුරට උරුම කිරීමයි. ඒත් දැන් අපේ ඒ අපේක්‍ෂාව විනාශ වෙමින් තිබෙනවා.
දැන් ආණ්ඩුවට පවසන්න පුළුවන් අපි ශී‍්‍ර බෞද්ධාලෝක විහාරයට අයත් ඉඩම අත්පත් කර ගැනීමට ගත් තීරණය ඉවත් කර ගත්තා කියලා. ඒත් ඒක වුණේ ආණ්ඩුවේ අවංකකම නිසා නොවෙයි.
සමාජ මාධ්‍ය සහ ජාතික ව්‍යාපාරය කළ දැඩි බලපෑම නිසයි. ඒ නිසා අපි ආණ්ඩුවට, විශේෂයෙන් ආණ්ඩුවේ රැුකවරණය ලබමින් සිංහල බෞද්ධ උරුමය විනාශ කරන්න මාන බලන සියලූම දෙනාට දැඩි අනතුරු ඇගවීමක් කරනවා. සිංහල බෞද්ධ උරුමයට අත තියන්න ආවොත්, සාංඝික දේපළවලට කෑදරකම් කළොත් ඒක බලයේ රස බලන අවසාන මොහොත බව සිතා ගන්න කියලා.
-දිවයින
COMMENTS