පා ර්ලිමේන්තුව විවේචන ඉදිරියේ සත්තු වත්තක් මෙන් වන අතර එහි නැත්තේ සිංහයන් බව විදුලිබල අමාත්‍ය ඩලස් අලහප්පෙරුම මහතා පවසයි. මෙය අපගේ දේශප...
පාර්ලිමේන්තුව විවේචන ඉදිරියේ සත්තු වත්තක් මෙන් වන අතර එහි නැත්තේ සිංහයන් බව විදුලිබල අමාත්‍ය ඩලස් අලහප්පෙරුම මහතා පවසයි.
මේක අපේ දේශපාලනයේ භයානක රෝගයක්.
"අපේ පාර්ලිමේන්තුවේ විවේචන ඉවසන්න බැරි කී දෙනෙක් ඉන්නවද. විවේචනයක් කරද්දි බූරුවා, බල්ලා, කබරයා, වඳුරා කියලා සෑම සතෙකුගේම නම් කියලා බනිනවා. කියන්නේ නැත්තේ සිංහයාගේ නම විතරයි. ඒ කියන අයගේ ළමා කාලය බැලුවම අපිට පැහැදිළියි, ඔවුන් කිසිම දවසක ක්‍රීඩාවකට සහභාගි වෙලා, ක්‍රීඩා කණ්ඩායමක සාමුහිකත්වයෙන් වැඩ කරලා නැහැ කියන එක. ඒ නිසා ඔවුන් ඉවසීම දන්නේ නැහැ, තරඟකාරීත්වය, විනය තේරෙන්නේ නැහැ. ජය පරාජය බෙදා ගන්න දන්නේ නැහැ. මේක අපේ රටේ දේශපාලනයේ දකින්න තිබෙන භයානක රෝගයක්. ක්‍රීඩාව ඇතුලෙ තමයි සාමූහිකත්වය, ඉවසීම, විනය හැදෙන්නේ. ඒ නිසා අපි විශ්වාස කරනවා වසර කිහිපයක් යන විට ක්‍රීඩාව තුලින් ඉවසන්න හැකියාවක් තිබෙන, තරඟකාරීත්වය, විනය, සාමූහික හැගීම ඇති පරපුරක් බිහි කරන්න හැකි වේවි කියලා"
අමාත්‍යවරයා මෙම අදහස් පළකළේ, පසුගියදා මාලිම්බඩ, හොරගොඩ, භාග්‍යගම දිවා රාත්‍රී ක්‍රීඩාංගනය ජනතා අයිතියට පත් කිරීමේ අවස්ථාවට එක් වෙමිනි.
ලෝකයේ දියුණුයි යැයි කියන සෑම රටකම, දියුණුව ආර්ථික වශයෙන් පමණක් නොව, ක්‍රීඩාවෙනුත් දියුණූ වී ඇති අතර රටේ හැම පාරක්ම කාපට් කළත්, අධිවේගී මාර්ග රට වටේටම හැදුවත් රටේ පුරවැසියෝ සමගි නැත්නම්, නිරෝගී නැත්නම්, ඔවුන්ට විනයක් නැත්නම් මේ කියන දියුණු තත්ත්වයට අපට ලඟාවිය නොහැකි බවයි අලහප්පෙරුම මහතා සඳහන් කරන්නේ.
"ජයග්‍රාහකයා හෝ පරාජිතයා ලෙස නම් කිරීම ක්‍රීඩාව පිළිබද ප්‍රශ්නයක් නොවෙයි. ගණිතය පිළිබද ප්‍රශ්නයක්. අතිගරු ජනාධිපතිතුමාගේ සෞභාග්‍යයේ දැක්ම සංකල්පයේදී ක්‍රීඩා ආර්ථිකයක්, නීරෝගීමත් ජාතියක් පිළිබදව සදහන් කළා. ශ්‍රී ලංකීය ජාතියේ ශ්‍රේෂ්ඨත්වය නැවත මතුකරන්න ඕන කිව්වා. රටක, ජාතියක ශ්‍රේෂ්ඨත්වය මතු කිරීමේ පළමු කොන්දේසිය තමයි, ඒ ජාතිය නිරෝගීමත්, සාමකාමී මෙන්ම විනයක් සහිත ජාතියක් වීම. ලෝකයේ දියුණූ කියන සෑම රටකම, දියුණුව ආර්ථික වශයෙන් පමණක් නොවෙයි, ක්‍රීඩාවෙනුත් දියුණූ බවට පත්වෙලා තිබෙනවා. රටේ හැම පාරක්ම කාපට් කළත්, අධිවේගී මාර්ග රට වටේටම හැදුවත් රටේ පුරවැසියෝ සමගි නැත්නම්, නිරෝගී නැත්නම්, ඔවුන්ට විනයක් නැත්නම් මේ කියන දියුණු තත්ත්වයට අපට ලඟාවෙන්න බැහැ. ඒ නිසයි මේ ආකාරයෙන් ක්‍රීඩාංගන ඉදිකරන්නේ "
කෙසේවෙතත් වර්තමානයේ රටේ පාසල් පද්ධතියෙන් ක්‍රීඩාව ක්‍රමක්‍රමයෙන් ඈත්වෙමින් පවතින බවත් අමාත්‍ය නාමල් රාජපක්ෂ මහතා පාසල් දරුවන්ගේ විවේක කාලය විනාඩි 15 කින් වැඩි කිරීමට කළ යෝජනාව ඒ වෙනුවෙන් වූ ධනාත්මක යෝජනාවක් බවත් ඔහු කියාසිටියි.
තමා අධ්‍යාපන ඇමතිවරයාව සිටි අවධියේදී වසරකට දරුවන්ට වාර විභාග දෙකක් පමණක් ප්‍රමාණවත් බව පැවසුවේ, පළමු වාරය තුළ පාසල්වල නිවාසාන්තර තරඟ, අධ්‍යාපන චාරිකා, බිග් මැචි ආදිය පැවැත්වෙන බැවින් දරුවන් ඒ වෙනුවෙන් නිදහසේ සහභාගී කරවිය යුතු බැවින් යැයි ද අමාත්‍යවරයා වැඩිදුරටත් පවසයි.
COMMENTS