ජනපති අපේක්ෂකයකුට රටපුරා කාර්යාල දොළොස්දහසක් දාගන්න දීලා !

මෙ වර ජනාධිපතිවරණයට ඉදිරිපත් වන එක් අපේක්ෂකයකුට දිවයින පුරා කාර්යාල දොළොස්දහස් අටසිය හයක් (12,806) පිහිටුවීමට හැකි බව මැතිවරණ කොමිෂන් සභාවේ...

බෞද්ධ සමාජය සංකේතවත් කරන්නේ ඥානසාර හිමියන්ගෙන්නම් එය පිළිගන්න බෑ – ගෙවිදු / ජනාධිපතිට පත්කිරීම් කරන්න කාගෙන්වත් අවසර ඕනෑ නෑ – බැසිල්

"නිහඬව බලාසිටිය නොහැකියි...ජනවරමට පස්ස හරවන එකාගේ පස්ස පැත්තට රිදෙන්න ගහනවා" - විමල් එළිපිටම යුද්ධය ප්‍රකාශ කරයි

ඇමතිකමෙන් ඉවත් වන බව දුමින්ද කියයි

මෙවර ජනාධිපතිවරණයට ඉදිරිපත් වන එක් අපේක්ෂකයකුට දිවයින පුරා කාර්යාල දොළොස්දහස් අටසිය හයක් (12,806) පිහිටුවීමට හැකි බව මැතිවරණ කොමිෂන් සභාවේ අධ්‍යක්ෂ ජනරාල් සමන්ශ්‍රී රත්නායක මහතා කියයි. මේ අනුව, මෙවර ජනපතිවරණයට තරගවදින අපේක්ෂකයන් 35 දෙනාට රට පුරා කාර්යාල හාරලක්ෂ හතළිස් අටදහස් දෙසිය දහයක් (448,210) පිහිටුවීමට හැකි බවද පැවසේ.

ඡන්ද අපේක්ෂකයාගේ නිවසේ එක (01) කාර්යාලයක්ද, මැතිවරණ කොට්ඨාස බල ප්‍රදේශයකට (දිස්ත්‍රික්කයකට) එක (01) බැගින්ද ඡන්ද ප්‍රදේශ එකිසිය හැටට (160) එක කාර්යාලය බැගින්ද, ඡන්ද මධ්‍යස්ථානයකට අදාළ ඡන්ද කොට්ඨාසයට එක (01) කාර්යාලය බැගින්ද පිහිටුවීමට හැකිය.

ශ්‍රී ලංකාවේ ඇති ඡන්ද කොට්ඨාස ගණන දොළොස්දහස් හයසිය හතළිස් හතර (12,644)කි.

පෝස්ටර් ගලවන්න වියදම කෝටි 4 පනියි

මේ අතර, පෝස්ටර්, බැනර්, කටවුට් ඉවත් කිරීමේ කටයුතු සඳහා රුපියල් මිලියන හතළිස් පහයි දශම අටක (45.8) මුදලක් වෙන්කර ඇතැයි පොලිස් මාධ්‍ය ප්‍රකාශක රුවන් ගුණසේකර මහතා කියා සිටී.

පොලිතින් යොදාගෙන සැරසිලි කරද්දී ඒ පිළිබඳව ඇති ජනාධිපති පනතේ ප්‍රතිපාදනවලට අමතරව, ජාතික පාරිසරික පනත ප්‍රකාරව නිකුත් කරන ලද අතිවිශේෂ ගැසට් පත්‍රයේ ප්‍රතිපාදනවලට අනුවද කටයුතු කරන බව ඔහු වැඩිදුරටත් අවධාරණය කර සිටී.

ඒ අනුව පෝස්ටර්, බැනර් සහ කටවුට් ඉවත් කිරීමේ කටයුතු සඳහා දිවයින පුරා පොලිස් ස්ථානවලට කම්කරුවන් එක්දහස් හතළිස් පහක් (1,045) ආදේශ කරගැනීමට අනුමැතිය ලැබී ඇත.

මූලස්ථාන පොලිසියට කම්කරුවන් තිදෙනකුද, අනෙකුත් පොලිස් ස්ථානයකට කම්කරුවන් දෙදෙනා බැගින්ද යොදවන බව පොලිස් මාධ්‍ය ප්‍රකාශකවරයා පැවැසීය.