උ තුරු මැද හිටපු පළාත් ප්‍රධාන අමාත්‍ය පේෂල ජයරත්න මහතා ඇතුළු ඇමැතිවරුන් භාවිත කළ අධි සුඛෝපභෝගී නිල රථවාහන හතක් උතුරු මැද පළාත් ආණ්ඩුකාර කා...
උතුරු මැද හිටපු පළාත් ප්‍රධාන අමාත්‍ය පේෂල ජයරත්න මහතා ඇතුළු ඇමැතිවරුන් භාවිත කළ අධි සුඛෝපභෝගී නිල රථවාහන හතක් උතුරු මැද පළාත් ආණ්ඩුකාර කාර්යාලය යටතට ගැනීමෙන් පසුව ඉන් කිහිපයක් දක්නට නැති බව පළාත් සභා සේවක පිරිසක් අනාවරණය කළහ.
උතුරු මැද පළාත් ප්‍රධාන අමාත්‍ය පේෂල ජයරත්න මහතා භාවිත කළ අධි සුඛෝපභෝගී වී - එයිට් රථයක්, ප්‍රාඩෝ රථයක් බැකප් වර්ගයේ රථයක් හා පළාත් කෘෂිකර්ම වාරිමාර්ග හා සෞඛ්‍ය හා සමුපකාර අමාත්‍යවරුන් භාවිත කළ ප්‍රාඩෝ රථ තුනක් හා ටර්සල් වර්ගයේ රථයක් ඇතුළු රුපියල් කෝටි 15කට අධික රථවාහන හතක් ආණ්ඩු කාර්යාලය යටතට පවරාගෙන තිබේ.
හිටපු ප්‍රධාන අමාත්‍යවරයා භාවිත කළ වී - එයිට් වර්ගයේ රථය ආණ්ඩුකාරවරයා භාවිත කරන බව කියන සේවකයන් ඒ මහතාට ඊට අමතරව මර්සඩීස් බෙන්ස් රථයක්, බී.එම්.ඩබ්ලිව්. අධි සුඛෝපභෝගී රථ දෙකක් හා සුඛෝපභෝගී ජීප් රථයක් නිලයට ලැබී ඇති බව ඔවුහු පැවැසූහ. හිටපු ආණ්ඩුකාරවරුන් වන කරුණාරත්න දිවුල්ගනේ, පී.බී. දිසානායක යන මහත්වරුන් මෙම රථ භාවිත කර තිබිණි. පී.බී. දිසානායක මහතා රුපියල් කෝටි ගණනක් වැය කර පසුගිය සමයේ එම ජීප් රථය මෙරටට ආනයනය කර තිබිණි.
ඊට අමතරව ජනාධිපතිවරයාගේ නියමයෙන් රුපියල් කෝටි ගණනක් වටිනා තවත් ප්‍රාඩෝ රථයක් පොළොන්නරුව නගර සභාවේ නගරාධිපතිවරයාට ලබාදී තිබෙන බවත්, තවත් ප්‍රාඩෝ රථයක් හිටපු පළාත් සභා අමාත්‍ය හා වර්තමාන ආණ්ඩුකාර සම්බන්ධීකරණ ලේකම් සරත් ඉලංගසිංහ මහතා භාවිත කරන බවත් ඔවුහු පැවැසූහ. සෙසු රථ කිහිපය කවුරුන් විසින් භාවිත කරන්නේද යන්න පිළිබඳව ප්‍රශ්නයක් පැන නැඟී තිබෙන බව පවසන පළාත් සභා සේවකයෝ ඒ පිළිබඳව මෙසේ පැවැසූහ. ආණ්ඩුකාරතුමන් පාවිච්චි කරන, ලේකම්වරයා පාවිච්චි කරන හා නගරාධිපතිවරයාට ලබාදුන් රථවාහනවලට අමතරව තවත් වාහන තුනක් අඩුයි.
ඒවා කොහෙද කවුද භාවිත කරන්නෙ කියලා ලොකු ප්‍රශ්නයක් තියෙනවා. මේ රෝදයකට ගහන හුළං ටිකට පවා මුදල් ගෙවන්නේ පළාතේ රටේ ජනතාව. ඉන්ධන හා නඩත්තු කටයුතු සඳහා මුදල් ගෙවන්නේ පළාතේ ජනතාව. එතකොට මේවා භාවිත කරන්නේ කවුද? කොහෙද කියලා අපිට හොයන්න අයිතියක් තියෙනවා.
මේ සම්බන්ධයෙන් උතුරු මැද පළාත් ආණ්ඩුකාර සරත් ඒකනායක මහතාගේ සම්බන්ධීකරණ ලේකම් හිටපු පළාත් සභා අමාත්‍ය සරත් ඉලංගසිංහ මහතාගෙන් කළ විමසුමකදී ඒ මහතා මෙසේ කීය. ආණ්ඩුකාරතුමා එක වාහනයක් භාවිත කරනවා. තව රථයක් මම භාවිත කරනවා. එකක් පොළොන්නරුවේ නගරාධිපතිතුමාට දුන්නා.
ආණ්ඩුකාරතුමාට මේ පළාතේ වැඩ සියල්ල තනියම කරන්න බෑ. සංවිධායකවරුන් ඉන්නවා. ඇමැතිවරු කී දෙනෙක්ට පහසුකම් දීලා කරපු වැඩද මේ දැන් සුළු පිරිසකගෙන් කෙරෙන්නේ යනුවෙන් ඒ මහතා පැවැසූ අතර රුපියල් කෝටි ගණනක් වටිනා ඉතිරි රථවාහන කවුරුන් විසින් භාවිත කරන්නේද යන්න පිළිබඳව ඒ මහතා නිශ්චිත නිවැරැදි පිළිතුරක් ලබා නොදුන්නේය.
අනුරාධපුර - මහේෂ් විජේසූරිය
උතුරු මැද පළාත් ප්‍රධාන අමාත්‍ය පේෂල ජයරත්න මහතා භාවිත කළ අධි සුඛෝපභෝගී වී - එයිට් රථයක්, ප්‍රාඩෝ රථයක් බැකප් වර්ගයේ රථයක් හා පළාත් කෘෂිකර්ම වාරිමාර්ග හා සෞඛ්‍ය හා සමුපකාර අමාත්‍යවරුන් භාවිත කළ ප්‍රාඩෝ රථ තුනක් හා ටර්සල් වර්ගයේ රථයක් ඇතුළු රුපියල් කෝටි 15කට අධික රථවාහන හතක් ආණ්ඩු කාර්යාලය යටතට පවරාගෙන තිබේ.
හිටපු ප්‍රධාන අමාත්‍යවරයා භාවිත කළ වී - එයිට් වර්ගයේ රථය ආණ්ඩුකාරවරයා භාවිත කරන බව කියන සේවකයන් ඒ මහතාට ඊට අමතරව මර්සඩීස් බෙන්ස් රථයක්, බී.එම්.ඩබ්ලිව්. අධි සුඛෝපභෝගී රථ දෙකක් හා සුඛෝපභෝගී ජීප් රථයක් නිලයට ලැබී ඇති බව ඔවුහු පැවැසූහ. හිටපු ආණ්ඩුකාරවරුන් වන කරුණාරත්න දිවුල්ගනේ, පී.බී. දිසානායක යන මහත්වරුන් මෙම රථ භාවිත කර තිබිණි. පී.බී. දිසානායක මහතා රුපියල් කෝටි ගණනක් වැය කර පසුගිය සමයේ එම ජීප් රථය මෙරටට ආනයනය කර තිබිණි.
ඊට අමතරව ජනාධිපතිවරයාගේ නියමයෙන් රුපියල් කෝටි ගණනක් වටිනා තවත් ප්‍රාඩෝ රථයක් පොළොන්නරුව නගර සභාවේ නගරාධිපතිවරයාට ලබාදී තිබෙන බවත්, තවත් ප්‍රාඩෝ රථයක් හිටපු පළාත් සභා අමාත්‍ය හා වර්තමාන ආණ්ඩුකාර සම්බන්ධීකරණ ලේකම් සරත් ඉලංගසිංහ මහතා භාවිත කරන බවත් ඔවුහු පැවැසූහ. සෙසු රථ කිහිපය කවුරුන් විසින් භාවිත කරන්නේද යන්න පිළිබඳව ප්‍රශ්නයක් පැන නැඟී තිබෙන බව පවසන පළාත් සභා සේවකයෝ ඒ පිළිබඳව මෙසේ පැවැසූහ. ආණ්ඩුකාරතුමන් පාවිච්චි කරන, ලේකම්වරයා පාවිච්චි කරන හා නගරාධිපතිවරයාට ලබාදුන් රථවාහනවලට අමතරව තවත් වාහන තුනක් අඩුයි.
ඒවා කොහෙද කවුද භාවිත කරන්නෙ කියලා ලොකු ප්‍රශ්නයක් තියෙනවා. මේ රෝදයකට ගහන හුළං ටිකට පවා මුදල් ගෙවන්නේ පළාතේ රටේ ජනතාව. ඉන්ධන හා නඩත්තු කටයුතු සඳහා මුදල් ගෙවන්නේ පළාතේ ජනතාව. එතකොට මේවා භාවිත කරන්නේ කවුද? කොහෙද කියලා අපිට හොයන්න අයිතියක් තියෙනවා.
මේ සම්බන්ධයෙන් උතුරු මැද පළාත් ආණ්ඩුකාර සරත් ඒකනායක මහතාගේ සම්බන්ධීකරණ ලේකම් හිටපු පළාත් සභා අමාත්‍ය සරත් ඉලංගසිංහ මහතාගෙන් කළ විමසුමකදී ඒ මහතා මෙසේ කීය. ආණ්ඩුකාරතුමා එක වාහනයක් භාවිත කරනවා. තව රථයක් මම භාවිත කරනවා. එකක් පොළොන්නරුවේ නගරාධිපතිතුමාට දුන්නා.
ආණ්ඩුකාරතුමාට මේ පළාතේ වැඩ සියල්ල තනියම කරන්න බෑ. සංවිධායකවරුන් ඉන්නවා. ඇමැතිවරු කී දෙනෙක්ට පහසුකම් දීලා කරපු වැඩද මේ දැන් සුළු පිරිසකගෙන් කෙරෙන්නේ යනුවෙන් ඒ මහතා පැවැසූ අතර රුපියල් කෝටි ගණනක් වටිනා ඉතිරි රථවාහන කවුරුන් විසින් භාවිත කරන්නේද යන්න පිළිබඳව ඒ මහතා නිශ්චිත නිවැරැදි පිළිතුරක් ලබා නොදුන්නේය.
අනුරාධපුර - මහේෂ් විජේසූරිය
COMMENTS