මේ වන විට වයඹ, මධ්‍යම , උතුරුමැද, උතුරු, නැගෙනහිර සහ සබරගමුව යන පළාත් සභා වල මැතිවරණය පැවැත්වීම කල් ගොස් ඇත. ඊට විවිධ පාර්ශව එකිනෙකාට චෝ...
මේ වන විට වයඹ, මධ්‍යම , උතුරුමැද, උතුරු, නැගෙනහිර සහ සබරගමුව යන පළාත් සභා වල මැතිවරණය පැවැත්වීම කල් ගොස් ඇත.
ඊට විවිධ පාර්ශව එකිනෙකාට චෝදනා කරගිනිමින් සිටින පසුබිමක පසුගියදා මැතිවරණ කොමිෂන් සභාවේ පැවැති දේශපාලන පක්ෂ නායකයන්ගේ රැස්වීමේ දී පළාත් සභා මැතිවරණය පැවැත්වීමට පියවරක් ගැනීම සඳහා විකල්ප යෝජනා හතරක් ගැන සාකච්ඡා කෙරිණ.
-
පාර්ලිමේන්තුවේ තුනෙන් දෙකක අනුමැතියක් ලබාගෙන අලුත් ක්‍රමයකට පළාත් සභා ඡන්දය පැවැත්වීම
-
පාර්ලිමේන්තුව ප්‍රතික්ෂේප කළ ෆයිසර් මුස්තාපාගේ සීමා නිර්ණ වාර්තාව නැවත පාර්ලිමේන්තුවට ඉදිරිපත් කොට තුනෙන් දෙකෙන් සම්මත කරගැනීම.
-
පැරණි ක්‍රමයට පළාත් සභා මැතිවරණය පැවැත්විමට කෙටි පනත් කෙටුම්පත පාර්ලිමේන්තුවේ සම්මත කිරීම.
-
පළාත් සභා ඡන්දය ඉල්ලා උසාවි යෑම.
මෙම විකල්ප හතරෙන් පළමු විකල්ප 3ම ක්රියාත්මක කල හැක්කේ එක්සත් ජාතික පක්ෂයට බව ඒෂියන් මිරර් සංවාදය වැඩසටහනට එක්වූ අමාත්‍ය අජිත් පී. පෙර්රා මහතා සදහන් කළේය.
ඊට හේතුව ලෙස අමාත්‍යවරයා සදහන් කලේ පාර්ලිමේන්තුවේ නීති සම්මත කරගැනීම සදහා අවශ්‍ය පනත් ඉදිරිපත් කිරීමේ පරම බලය එක්සත් ජාතික පක්ෂය නියෝජනය කරන විෂය භාර අමාත්‍යවරයාට තිබීමය.
ඒ අනුව පළාත් සභා මැතිවරණය පැවැත්වීමේ වැඩිම වගකීම පැටවෙන්නේ එක්සත් ජාතික පක්ෂයයි.
ඒෂියන් මිරර් සංවාදය වැඩසටහනේදී පළාත් සභා මැතිවරණය පැවැත්වෙන කාල වකවානු පිළිබද අමාත්‍ය අජිත් පී. පෙර්රා මහතා ඉගියක් පල කළා .
එම වීඩියෝව පහතින් නරඹන්න
COMMENTS