සේනා දළඹු මර්දනය සඳහා රජය ගෙන යන වැඩපිළිවෙළ සාර්ථක කර ගැනීම සඳහා සමස්ත ලංකා ගොවිජන සම්මේලනයේ සහයෝගය නිරන්තරයෙන් ලබා දෙන බව සමස්ත ලංකා ගොව...
සේනා දළඹු මර්දනය සඳහා රජය ගෙන යන වැඩපිළිවෙළ සාර්ථක කර ගැනීම සඳහා සමස්ත ලංකා ගොවිජන සම්මේලනයේ සහයෝගය නිරන්තරයෙන් ලබා දෙන බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා දඹුල්ල ප්‍රදේශයේ විශේෂ මාධ්‍ය හමුවක් කැඳවමින් සඳහන් කළේය.
පක්ෂ පාට දේශපාලන භේදයකින් තොරව ජාතික ව්‍යසනයක් සේ සලකා රජය ගෙන යන විශේෂ වැඩපිළිවෙළ සඳහා සේනා මර්ධනයට සියළු දෙනාගේ සහාය ලබාදෙන ලෙසද නාමල් කරුණාරත්න මහතා සමස්ථ ජනතාවගෙන් ඉල්ලීමක් ද කළේය.
එමෙන්ම සේනා දළඹු මර්දනය සඳහා විශේෂ යෝජනා කීපයක් සිදුකරන බවත් ඉන් එකක් බවට පත්ව ඇත්තේ සේනා දළඹුවන් කීටයන් අල්ලා දෙන අයට එක සතෙකු සඳහා රුපියලක මුදලක් ගෙවීමට රජයට යෝජනා කරන බවය. එවිට බොහෝ ජනතාව ඒකරාශී වී කාල රාමුවක් තුළ මෙම සතුන් අල්ලා භාරදීමට ඉදිරිපත්වන බව හෙතෙම සඳහන් කළේ ය.
සේනා දළඹුවන් පැතිර ඇති ප්‍රදේශ සහ වගාබිම් විනාශ කොට වළ දමා මෙම තත්ත්වය රටෙන් තුරන් කිරීම සඳහා අවශ්‍ය පියවර ගත යුතු බවත් ද රජය ක්රියාත්මක කරන වැඩපිළිවෙළ පහළ සිටින ගොවිබිම් වලට ක්රියාත්මක නොවීම බරපතළ ප්‍රශ්නයක් බවද හෙතෙම සඳහන් කළේය.
තමන් රජයට යෝජනා කර සිටින්නේ මෙම සලබයන් කීටයන් සහ දළඹුවන් මර්ධනය කිරීම සඳහා අවශ්‍ය මුදල් ප්‍රතිපාදන වෙන් කොට ගොවිජනතාවට ඒවා මර්දනය කිරීමේදී මුදලක් ලැබිය යුතු බවය.
එවිට සියලු දෙනාගේම සහයෝගය ඊට නතු වන බවත් හෙතෙම වැඩිදුරටත් පෙන්වා දුන්නේ ය.
මෙරට ජනමාධ්‍ය ආයතන ඔවුන්ගේ කාර්යභාරය නිසි ලෙස ඉටු කරමින් සිටින බවත් නමුත් රජය මේ වන තුරුත් ඒ සඳහා නිසි ආකාරයෙන් ඉදිරිපත් නොවීම බරපතල ප්‍රශ්නයක් බවත් රජය මේ වන විට දළඹු මර්දන දෙසතිය නම් කර තිබුණද ඊට නිසි විධිමත් වැඩපිළිවෙළක් ක්රියාත්මක කරන ලෙස තමා ඉල්ලීමක් කරන බවද සඳහන් කළේය.
(දඹුල්ල කාංචන කුමාර ආරියදාස)
COMMENTS