ලැබෙන පළමු අවස්ථාවේදීම පවතින රජය පෙරළා දමා නව රජයක් පිහිටුවීමට කටයුතු කරන බව හිටපු අමාත්‍ය, එක්සත් ජනතා නිදහස් සන්ධාන පාර්ලිමේන්තු මන්ත‍්‍...
ලැබෙන පළමු අවස්ථාවේදීම පවතින රජය පෙරළා දමා නව රජයක් පිහිටුවීමට කටයුතු කරන බව හිටපු අමාත්‍ය, එක්සත් ජනතා නිදහස් සන්ධාන පාර්ලිමේන්තු මන්ත‍්‍රී එස්. බී දිසානායක මහතා පැවසීය.
ඡන්දයකින් හෝ වෙනත් ආකාරයකින් එය සිදුකරන බව කී දිසානායක මහතා ඉක්මණින් ඡන්දයක් පැවැත්වීමේ යෝජනාවක් පාර්ලිමේන්තුවට ඉදිරිපත් වුවහොත් එයට සහය ලබාදෙන බව ද කීවේය.
රටට ආදරය කරන දේශප්‍රේමී මන්ත‍්‍රීවරුන් පක්‍ෂ භේදයකින් තොරව එවැනි යෝජනාවකට සහය ලබාදෙනු ඇතැයි ද මන්ත‍්‍රීවරයා සඳහන් කළේය.
නියමිත කාලයට පෙර ඡන්දයක් නොපැවැත්වුවහොත් කෙසේ හෝ ආණ්ඩුව පෙරළා යළිත් අලූත් ආණ්ඩුවක් පිහිටුවීමට තම කණ්ඩායම සූදානම් බව ද එස්.බී දිසානායක මහතා කීවේය.
පාර්ලිමේන්තුවේ බහුතර බලය ලබාගැනීමෙන් ද නව රජයක් පිහිටුවිය හැකි බව කී හිටපු අමාත්‍යවරයා ආණ්ඩුව විසින් ඉදිරිපත් කළ අතුරු ගිණුම සඳහා ඡන්ද 103ක් පමණක් ලැබීමෙන් පෙනී යන්නේ ඔවුන්ට ද බහුතර බලයක් නොමැති බව යැයි ද පැවසීය.
COMMENTS