මුලතිව් සෙම්මාලෙයි නිරූපයඩි ගණදෙවි කෝවිල අසලට හදිසියේම බුදු පිළිමයක් පැමිණ ඇතැයි උතුරු පළාත් සභාවේ හිටපු මන්ත්‍රී පී.රවිහරන් මහතා පවසයි. ...
මුලතිව් සෙම්මාලෙයි නිරූපයඩි ගණදෙවි කෝවිල අසලට හදිසියේම බුදු පිළිමයක් පැමිණ ඇතැයි උතුරු පළාත් සභාවේ හිටපු මන්ත්‍රී පී.රවිහරන් මහතා පවසයි.
මහින්ද රාජපක්ෂ මහතා රටේ අගමැතිවරයා වූ දිනයට පසුදිනයේම බුදු පිළිමයක් තැන්පත් කොට තිබීම පුදුමයකට කරුණක් බවද ඔහු කියා සිටියි.
2013 වසරේදී මේ ස්ථානයේ බුදු පිළිමය තැන්පත් කිරීමට ගිය අවස්ථාවේදී ගණදෙවි කෝවිලේ බාරකරුවන් ඊට එරෙහි වීම නිසා යුද හමුදාව එම ස්ථානයේ බුදු පිළිමය තැබීමෙන් වැළකී සිටි බව කී මන්ත්‍රීවරයා මේ සම්බන්ධයෙන් ඒ කාලවකවානුවේදී පොලීසියට පවා යාමට සිදු වූ බව කියා සිටියේය.
ගණදෙවි කෝවිලට නුදුරින් බෝගසක් තිබූ බවත් ඒ ස්ථානයේ බුදු පිළිමයක් තැබීමට විශේෂ ආසනයක් පවා ඉදි කළ නමුත් විරෝධය නිසා කිසිවෙකුත් බුදුපිළිමය නොතැබූ බව රවිහරන් කියා සිටියි.
නමුත් කිසියම් පිරිසක් විසින් මහින්ද රාජපක්ෂ මහතා අගමැතිවරයා වූ දිනට අප්සු දෙනයේම එම ස්ථානයේ බුදු පිළිමයක් තැන්පත් කිරීමේ සිද්ධිය පසුපස යම් බලවේගයක් ක්රියාත්මක වන බව පිළිගැනීමට සිදුවන බවද ඔහු පවසයි.
වසර පහක් මුළුල්ලේම මේ ස්ථානයේ බුදු පිළිමයක් තැබීමට කිසිවෙකුටත් අවශ්‍යතාවයක් නොතිබී හදිසියේම ඒ අවශ්‍යතාවය පැන නගින ලද්දේ කුමන හෝ යටි අරමුණක් නිසා යැයි හිටපු මන්ත්‍රීවරයා පෙන්වා දෙයි.
(දිනසේන රතුගමගේ)
COMMENTS