මහ බැංකුවෙන් නව කාසි කිහිපයක්

සංසරණය සඳහා නව කාසි කාණ්ඩයක් නිකුත් කළ බව ශ්‍රී ලංකා මහ බැංකුව නිවේදනයක් නිකුත් කරමින් ඊයේ (27) සඳහන් කළේය. මේ අනුව කාසි ටංකන පිරිවැය අඩ...

4ට වඩා බෑ! රනිල්ගෙන් නුවරඑළියට තහනමක්!

ITN එකේ ලිංගික අල්ලස් සිද්ධිය පාර්ලිමේන්තුවට යයි! පැමිණිල්ලක් නැති බව ඇමැති බන්දුලයි ලේකම් පැල්පිටයි දෙන්නම කියයි! පිටරට ඉඳන් ITN සභාපති කමිටුවක් පත් කරයි!

පොහොට්ටුවේ 126ක් ජනාධිපතිට සහාය දෙන්න තීන්දු කරයි

සංසරණය සඳහා නව කාසි කාණ්ඩයක් නිකුත් කළ බව ශ්‍රී ලංකා මහ බැංකුව නිවේදනයක් නිකුත් කරමින් ඊයේ (27) සඳහන් කළේය.

මේ අනුව කාසි ටංකන පිරිවැය අඩු කිරීම, කල් පැවැත්ම, පහසුවෙන් රැගෙන යා හැකි බව හා දෘශ්‍යාබාධිත පුද්ගලයන්ට කාසි වර්ග වෙන්කර හඳුනාගැනීම පහසු කරවීම යන පරමාර්ථ ඇතිව මුහුණත වටිනාකම රුපියල්, 10, 5 , 2 සහ 1 යන කාසි වර්ග හතරින් යුත් නව කාසි කාණ්ඩායක් නිකුත් කළ බව ශ්‍රී ලංකා මහ බැංකුව සඳහන් කරයි.

මෙහි පළමු කාසි ඇසුරුම ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා විසින් අග්‍රාමාත්‍ය හා මුදල් හා ආර්ථික කටයුතු අමාත්‍ය මහින්ද රාජපක්ෂ මහතා වෙත පිළිගන්වනු ලැබිණි.

ලෝහාලෝපිත කාසිවලට වඩා වැඩි කල් පැවැත්මක් ඇති මළ නොබැඳෙන වානේවලින් මෙම නව කාසි නිෂ්පාදනය කර තිබේ.

කාසිවල විෂ්කම්භය හා ඝනකම ද කාසියේ වටිනාකම සමග වැඩි වන අනුපිළිවෙළට වෙනස් කර ඇතැයි ශ්‍රී ලංකා මහ බැංකුව සඳහන් කළේ ය.