මහමැතිවරණය පැවැත්වීම සම්බන්ධයෙන් ශ්‍රේෂ්ඨාධිකරණයේ මතය විමසීමට මැතිවරණ කොමිසමට නීතිමය බලයක් නොමැති බවත් එම කොමිසම සතු එකම කාර්යය ජනාධිපතිවර...
මහමැතිවරණය පැවැත්වීම සම්බන්ධයෙන් ශ්‍රේෂ්ඨාධිකරණයේ මතය විමසීමට මැතිවරණ කොමිසමට නීතිමය බලයක් නොමැති බවත් එම කොමිසම සතු එකම කාර්යය ජනාධිපතිවරයා නිකුත් කරන දිනයේදී මැතිවරණය පවත්වා ප්‍රතිඵල නිකුත් කිරීම බවත් අධ්‍යාපන හා උසස් අධ්‍යාපන අමාත්‍ය ආචාර්ය විජයදාස රාජපක්ෂ මහතා පවසයි.
අමාත්‍යවරයා මේ බව ප්‍රකාශ කළේ ඊයේ (10) රජයේ ප්රවෘත්ති දෙපාර්තමේන්තුවේ පැවැති රජයේ මාධ්‍ය සාකච්ඡාව අමතමිනි.
පාර්ලිමේන්තු මැතිවරණ පනත අනුව ජනාධිපතිවරයා පාර්ලිමේන්තුව විසුරුවනවානම් පළමුවෙන්ම මහ මැතිවරණය පවත්වන දිනය ජනාධිපති තීරණය කළ යුතු අතර පාර්ලිමේන්තුව කැඳවන දිනයත් ජනපති තීරණය කළ යුතු බව සඳහන් වන බවද අමාත්‍යවරයා පෙන්වා දුන්නේය.
එහිදී තවදුරටත් අඳහස් දැක්වූ අමාත්‍යවරයා,
“දේශපාලඥයෙක් රටේ ස්වාභාවය නොතකා කටයුතු කරන්නේ නම් ජනතාව ඒ පිළිබඳව තීරණයක් ගත යුතුයි. පාර්ලිමේන්තුවයි විධායකයයි එකට ඉදිරියට වැඩ කරන්න බැරිනම් පාලකයාට මෙවැනි තීරණ ගැනීමේ බලතල ලැබී තිබෙනවා.රට ඉදිරියට යා නොහැකි ලෙස හිරවීමක් තිබෙනවා නම් ජනාධිපතිට නෛසර්ගික බලයක් යෙදවීමට හැකියාව තිබෙනවා. ජනාධිපතිවරයාට ශ්‍රේෂ්ඨාධිකරණයට යෑමට කිසිදු අපහැදිළිතාවයක් ව්‍යවස්ථාවේ තිබුණේ නෑ. ඒ නිසා යෑමේ අවශ්‍යතාවයක් තිබුණේ නෑ යැයි ද අමාත්‍යවරයා පැවසී ය.
පාසල්දරුවන්ගේ විභාග කටයුතුවලට කිසිම ආකාරයක බලපැමක් ඇති නොවන පරිදි මැතිවරණ කටයුතු සිදු කිරීමට කටයුතු කරන බව ද ඔහු වැඩිදුරටත් පැවසී ය.
COMMENTS