ජනපතිගේ ආරක්ෂාව ගැන කිසිදු සැකයක් නැති බව නීතිය හා සාමය පිළිබඳ නියෝජ්‍ය අමාත්‍ය නලීන් බණ්ඩාර මහතා මෙසේ අදහස් දැක්වීය. ඒ ඊයේ කැඳවා තිබූ මා...
ජනපතිගේ ආරක්ෂාව ගැන කිසිදු සැකයක් නැති බව නීතිය හා සාමය පිළිබඳ නියෝජ්‍ය අමාත්‍ය නලීන් බණ්ඩාර මහතා මෙසේ අදහස් දැක්වීය.
ඒ ඊයේ කැඳවා තිබූ මාධ්‍ය හමුවකට එක්වෙමිනි.
එහිදී ඒ මහතා මෙසේ අදහස් දැක්වීය.
“අපි බොහොම වගකීමෙන් කියනවා මේ සම්බන්ධව සීඅයිඩී පරීක්ෂණ ඉතාම හොඳින් ක්රියාත්මක වෙනවා. එක එක සංවිධාන දැන් ඒගොල්ලෝ ඒගොල්ලෝ රණ්ඩු වෙනවා. නාමල් කුමාරට විරුද්ධව මම දැක්කා ප්‍රියසාද් කියලා පුද්ගලයෙක් චෝදනා කරනවා. ප්‍රියසාද් නාමල් කුමාර චෝදනා කරනවා. අපිට පේනවා දැන් මේ ගොල්ලෝ මේ ගොල්ලෝ මේ එක කල්ලියක් කියලා. ඒවගේම මම දැක්කා තවත් තැනක නාමල් කුමාර කියනවා මේ යෙදෙන ව්‍යවස්ථාව අඩපණ කරන්න ඕනේ කියලා. ඉතින් අපිට ප්‍රශ්නයක් තියෙන මේ නව ව්‍යවස්ථාව අඩපණ කරන්න ඕනේ කාටද කියලා. අපි තමයි නව ව්‍යවස්ථාව ගේන්න හදන්නේ. පරීක්ෂණ කටයුතු කඩිනමින් සිදු වෙනවා. අද හෙටම DIG නාලක සිල්වා මහතාගෙන් ප්‍රශ්න කිරීම ආරම්භ කරයි. ඔහුව CID එකට කැඳවීමට නියමිතයි. කැඳවන්න කලින් මම හිතන්නේ CID එක දන්නවා, කොතන කොහොමද මේක ගලපගන්න ඕනේ කියලා, මේක පෙළගස්වන්න ඕනේ කියලා. ඒ පෙළගැස්වීම තමයි මේ දවස්වල යන්නේ. කිසිම තැනක අපේ ගරු ජනාධිපතිතුමාගේවත් කිසිම කෙනෙක්ගේවත් ආරක්ෂාව සම්බන්ධව අපිට සැක සංකා මතුවෙලා නැහැ. රාජ්‍ය බුද්ධි අංශය තියෙනවා. අපිට ජනාධිපතිතුමාට හොඳ ආරක්ෂාවක් තියෙනවා කියලා අපි විශ්වාස කරනවා. වගකිව යුතු රජයක් විදියට මේ සම්බන්ධව බොහොම ගැඹුරින් සොයා බැලීම් නිරීක්ෂණයන් කරමින් ඉන්නවා.”
COMMENTS