පොහොට්ටුවේ සිටින ඇතැම් ජ්‍යෙෂ්ඨ මන්ත්‍රීවරුන්ට තමා ගරු කරන අතර ඔවුන් එම පක්ෂයෙන් ඉවත්ව තම පක්ෂයට පැමිණියහොත් ඉතාම ගරු සරු ඇතිව පිළිගන්නා බ...
පොහොට්ටුවේ සිටින ඇතැම් ජ්‍යෙෂ්ඨ මන්ත්‍රීවරුන්ට තමා ගරු කරන අතර ඔවුන් එම පක්ෂයෙන් ඉවත්ව තම පක්ෂයට පැමිණියහොත් ඉතාම ගරු සරු ඇතිව පිළිගන්නා බව ප්‍රාදේශිය සංවර්ධන, තිරසර සංවර්ධන හා වනජීවි අමාත්‍ය ෆීල්ඩ් මාර්ෂල් සරත් ෆොන්සේකා මහතා පවසයි.
පෑලියගොඩ ප්‍රදේශයේදි මාධ්‍ය වෙත අදහස් පලකරමින් ඔහු මේ බව ප්‍රකාශ කළේ ය.
ඉදිරි ජනාධිපතිවරණ සඳහා අනිවාර්යයෙන්ම එක්සත් ජාතික පක්ෂයේ අපේක්ෂකයා විය යුත්තේ පක්ෂ නායකවරයා බවත් එසේ නොමැතිනම් ඔහු විසින් අපේක්ෂකයා තීරණය කළ යුතු බවත් ය.
ජාතිවාදය ව්‍යාප්ත කිරීමේ අරමුණෙන් උතුරු පළාත් ප්‍රධාන අමාත්‍යවරයා නව පක්ෂය නිර්මාණය කර ඇති බවත් පවසයි.
ඒකාබද්ධ විපක්ෂය තුළ ඇතිවී ඇති අර්බුධය තමන්ට අනිවාර්යයෙන්ම වාසි දායක තත්ත්වයක් බව ඔහු සඳහන් කළේය.
මේ අතර විග්නේෂ්වරන් මන්ත්‍රීවරයා ජාතිවාදය ඇවිස්සීමට උත්සාහ කරන බවත් ඒ සඳහා තමන් කිසිසේත් එකඟ නොවන බවත් ඔහු ප්‍රකාශ කර සිටියේ ය.
එසේම මර්වින් සිල්වා මහතා ජනාධිපතිවරණයට ඉදිරිපත් වුවහොත් ඔහුට ඡන්ද 3ක් වත් ගබාගත නොහැකි බවට තමන් අභියෝග කරන බවට ඔහු වැඩිදුරටත් පැවසීය.
එහිදී ඒ මහතා මෙසේ අදහස් දැක්විය.
“කුමාර වෙල්ගම කියන්නේ ඉතා ප්‍රබල දේශපාලනඥයෙක්. පොහොට්ටුව පැත්තේ මම ගරු කරන දේශපාලනඥයෝ කීප දෙනෙක් ඉන්නවා. කුමාර වෙල්ගම, ඩලස් අලහප්පෙරුම, බන්දුල ගුණවර්ධන, දිනේෂ් ගුණවර්ධන, වාසුදේව ඒ වගේ අපි ගරු කරනවා ඒ ගොල්ලන්ට විරුද්ධවාදීන් වුණත්. ඒ වගේ තව දෙන්නෙක් විතර එතනින් ගැලවුනොත් අපි ඒගොල්ලන්ව ඉතාම ආදරෙන් ගරු සරු ඇතිව පිලිගන්නවා.”
COMMENTS