මහනුවර ඇසල පෙරහර සාර්ථකව නිම කළ බවට සංදේශය ජනපතිට පිළිගන්වයි

 දළදා මාලිගාවේ අවසන් මහා රන්දෝලි පෙරහර වීදි සංචාරය ආරම්භ කෙරුණේ පෙරේදා (25) රාත්‍රී 7.58ට යෙදුණු සුභ මොහොතිනි. ඇසල පෙරහැර මංගල්ලයේ සධාතුක...

සිංහ පවුලට කොවිඩ් බව සඟවන්න උත්සාහයක් ?

බැසිල් පාර්ලිමේන්තු ඒම ගැන පොහොට්ටුව දෙකට බෙදේ !

පෙරළියක පෙර නිමිති: මහින්ද - රනිල් හදිසියේ හමුවෙයි

 දළදා මාලිගාවේ අවසන් මහා රන්දෝලි පෙරහර වීදි සංචාරය ආරම්භ කෙරුණේ පෙරේදා (25) රාත්‍රී 7.58ට යෙදුණු සුභ මොහොතිනි.

ඇසල පෙරහැර මංගල්ලයේ සධාතුක කරඬුව නැදුන්ගමුවේ රාජා හස්තියා විසින් වැඩම කරවූ අතර දෑල ඇතුන් ලෙස ගමන් කළේ වාසනා සහ ඉන්දිරාජා හස්තියයි.

ආසියාවේ උසම දළ ඇතා යන විරුදාවලිය ලත් නැදුන්ගමුවේ රාජා හස්තියා මෙවර දළදා කරඬුව වැඩමවනු ලැබුවේ 12 වන වරටය.

මහනුවර ඓතිහාසික ඇසල පෙරහර සාර්ථකව අවසන් වූ බවට දැක්වෙන සන්නස් පත්‍රය දියවඩන නිලමේ ප්‍රදීප් නිලංග දෑල විසින්, ජනාධිපති මෛත්‍රීපාල සිරිසේන වෙත ඊයේ (26) පස්වරුවේ භාර දෙනු ලැබීය..

මහනුවර - අස්ගිරිය ඓතිහාසික ගෙඩිගේ විහාරයෙන් පිටත් වුණු දහවල් පෙරහර සිව් මහා දේවාල පෙරහරත් සමඟ දළදා මාළිගයට ගෙවදීමෙන් අනතුරුව පෙරහර සාර්ථකව නිමා වූ බවට දැක්වෙන සන්නස් පත්‍රය ජනාධිපතිවරයා වෙත භාර දී ඇත.

එහිදී ජනාධිපතිවරයා විසින් ඓතිහාසික ඇසල පෙරහරේ කුසලතා දැක්වූ කලාකරුවන් 50 දෙනෙකුට ත්‍යාග සහ සහතික පත් ලබාදී තිබේ.

එමෙන්ම අද (27) දිනයේ සිට මහනුවර ශ්‍රී විෂ්ණු දේවාලයේ වලි - යකුන් මංගල්‍යය ආරම්භ වීමට නියමිතය.

මේ අතර, ශ්‍රී දළදා මාළිගාවේ ප්‍රතිසංස්කරණය කරන ලද රන් වියන ජනාධිපති මෛත්‍රීපාල සිරිසේන විසින් ඊයේ (26) පෙරවරුවේ විවෘත කරනු ලැබිය.

මෙම රන් වියන අලුත්වැඩියාව පසුගිය වසරේ ඔක්තෝම්බර් මස ආරම්භ කෙරුණු අතර, ඒ සඳහා ජනාධිපති අරමුදලෙන් රුපියල් මිලියන 45 ක් වැය කර තිබේ.

වර්ග අඩි 3450 කින් යුත් මෙම රන් වියන ප්‍රතිසංස්කරණයට ලක් කෙරුණේ වසර 16 කට පසුවය.