මාධ්‍යවේදී කීත් නොයාර් මහතා පැහැර ගැනීමේ සිද්ධියට අදාළව සීඅයිඩිය පැමිණ තමාගෙන් ප‍්‍රකාශ සටහන් කර ගැනීම සහමුලින්ම දේශපාලන පළිගැනීමක් බව හිට...
මාධ්‍යවේදී කීත් නොයාර් මහතා පැහැර ගැනීමේ සිද්ධියට අදාළව සීඅයිඩිය පැමිණ තමාගෙන් ප‍්‍රකාශ සටහන් කර ගැනීම සහමුලින්ම දේශපාලන පළිගැනීමක් බව හිටපු ජනාධිපති මහින්ද රාජපක්ෂ මහතා පවසයි.
අපරාධ පරීක්‍ෂණ දෙපාර්තමේන්තු නිලධාරීන් තමාගෙන් පැය 3 කට ආසන්න කාලයක්‌ ප්රශ්න කළ බවත් එහිදී ඔවුන් අසා සිටියේ 'කථානායක කරු ජයසූරිය මහතා තමාට කතා කර සිටියාද' සහ 'ඒ කතාවෙන් අනතුරුව මාධ්‍යවේදී කීත් නොයාර් මහතා නිදහස්‌ කර සිටියාද' යන්න බවත් රාජපක්ෂ මහතා සඳහන් කළේය.
ඔහු මේ බව සඳහන් කළේ මාධ්‍යවේදී කීත් නොයාර් මහතා පැහැර ගැනීමට අදාළව ඊයේ (17) සිය නිල නිවසේදී පැය 3 කට ආසන්න කාලයක්‌ රහස්‌ පොලිසිය මගින් ප්‍රකාශයක්‌ ලබා ගැනීමෙන් අනතුරුව මාධ්‍ය වෙත අදහස්‌ දක්‌වමිනි.
රටේ නායකයින් දෙපල නොදැන තමා ලඟට සීඅයිඩිය එන්නේ නැති බවත් කරූ ජයසූරිය මහතා කතා කළ බවට තමාට මතකයක් නැති බවත් රාජපක්ෂ මහතා අවධාරණය කළේය.
නමුත් ඉන් එක හොදක් වූ බවත් එම ප්රශ්න කිරීම්වලින් තමන් රාත්රී දහයට නිදාගන්නේ නැති බව හෙළි වූ බවත් ඒ මහතා සඳහන් කරයි.
මන්ද එවකට හිටපු ඇමතිවරයෙකු වූ කරු ජයසූරිය මහතා තමනට දුරකථනයෙන් අමතා ඇත්තේ රාත්රී 11.30 ට බව එම පොලිස් නිලධාරීන් විසින් කළ ප්රශ්න කිරීමේ දී හෙළි වූ බවද රාජපක්ෂ මහතා පැවසීය.
පසුගිය දිනෙක ජනාධිපති මෛත්‍රීපාල සිරිසේන මහතා කියා සිටියේ තමන් කොතරම් වැඩ රාජකාරි තිබුණද රාත්රී 10.00ට නිදා ගන්නා බවයි.
මහින්ද රාජපක්ෂ මහතා හිටපු ජනාධිපතිවරයාගේ මේ ප්‍රකාශය මෛත්‍රීපාල සිරිසේන ජනාධිපතිවරයාගේ එම ප්‍රකාශයට එල්ල කළ අතුල් පහරක් වැනිය.
COMMENTS