මාධ්‍යවේදී කීත් නොයාර් ආයුධ පෙන්වා පැහැරගෙන යෑම සම්බන්ධයෙන් හිටපු ජනාධිපති මහින්ද රාජපක්ෂගෙන් අපරාධ පරීක්ෂණ දෙපාර්තමේන්තුව ප්‍රකාශයක් ලබා...
මාධ්‍යවේදී කීත් නොයාර් ආයුධ පෙන්වා පැහැරගෙන යෑම සම්බන්ධයෙන් හිටපු ජනාධිපති මහින්ද රාජපක්ෂගෙන් අපරාධ පරීක්ෂණ දෙපාර්තමේන්තුව ප්‍රකාශයක් ලබාගැනීමෙන් පසුව නැවතත් නාගරික සංවර්ධන හා රාජ්‍යාරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ අපරාධ පරීක්ෂණ දෙපාර්තමේන්තුව කැඳවීමට නියමිත බව දැනගන්නට ඇත යනුවෙන් රාවය පුවත්පත වාර්තා කරයි.
ඊට අනුව 2008 මැයි 22 දින රාත්‍රී 10ට පමණ දෙහිවල වෛද්‍ය පාරේදී ආයුධ පෙන්වා පහරදී පැහැරගෙන ගියවිටදීද නේෂන් පුවත්පතේ ප්‍රධාන කර්තෘ ලලිත් අලහකෝන් විසින් එවකට ජනාධිපති මහින්ද රාජපක්ෂට දුරකතනයෙන් කතා කිරීමට උත්සහ කර ඇතත්, එය අසාර්ථක වී තිබේ.
පසුව කියියම් අයකු විසින් එවකට රාජ්‍ය පරිපාලන අමාත්‍යවරයාව සිටි කරු ජයසූරියට කීත් නොයාර්ගේ පැහැර ගැනීම ගැන දැනුම්දීමකට අනුව කරු ජයසූරිය අමාත්‍යවරයා මහින්ද රාජපක්ෂ ජනාධිපතිවරයාට දුරකතනයෙන් අමතා ඇතත්, දුරකතනයට පිළිතුරු දුන් අය ජනාධිපතිවරයා නිදාගෙන සිටින බව දැනුම් දී තිබේ.
පසුව කරු ජයසූරිය ඇමතිවරයා කෙසේ හෝ ජනාධිපතිවරයාට කතා කළ යුතු බවට දැන්වූ පසුව ජනාධිපතිවරයා දුරකතනයට පැමිණ ඇත. එහිදී කරු ජයසූරිය ඇමතිවරයා ජනාධිපතිවරයාට පවසා ඇත්තේ මාධ්‍යවේදී කීත් නොයාර් පැහැරගෙන ගොස් ඇති බවත් එය කවුරුන් හෝ සංවිධානානාත්මකව සිදුකර ඇති දෙයක් බවත්, කීත් නොයාර්ට කිසියම් දෙයක් සිදුවුවහොත් තමාට ආණ්ඩුවෙන් ඉවත්වීමට පවා තීරණයක් ගන්නට සිදුවෙන බවත් පැවසීමෙන් පසුව ජනාධිපති මහින්ද රාජපක්ෂ පවසා ඇත්තේ “කරු කලබල වෙන්න එපා. මම ඒ ගැන සොයා බලන්නම්” යනුවෙනි.
පසුව ජනාධිපතිවරයා විසින් එවකට ආරක්ෂක අමාත්‍යංශ ලේකම් ගෝඨාභය රාජපක්ෂටත්, ගෝඨාභය රාජපක්ෂ එවකට සිටි බුද්ධි හමුදා අංශයේ මේජර් ජනරාල් කපිල හෙන්දාවිතාරණටත්, ඔහු විසින් හමුදා බුද්ධි අංශයේ මේජර් ජනරාල් අමල් කරුණාසේකරටත් කතාකිරීමේ ප්‍රතිඵලයක් ලෙසට කීත් නොයාර් මල්වාන ප්‍රදේශයේදී අත්හැර ගොස් තිබිණි.
COMMENTS