දිවයිනෙත් දිවයින වටා වන මුහුදු ප්‍රදේශ වලත් සුළං තත්වයේ වැඩි වීමක් ඉදිරි දින කිහිපයේදී (ජුනි මස 06 වන දින සිට) බලාපොරොත්තු විය හැකි බව කාල...
දිවයිනෙත් දිවයින වටා වන මුහුදු ප්‍රදේශ වලත් සුළං තත්වයේ වැඩි වීමක් ඉදිරි දින කිහිපයේදී (ජුනි මස 06 වන දින සිට) බලාපොරොත්තු විය හැකි බව කාලගුණ විද්‍යා දෙපාර්තමේන්තුව නිවේදනය කරයි.
දැනට දිවයිනේ නිරිත දිග කොටසේ පවතින වැසි සහිත කාලගුණ තත්ත්වය සහ වළාකුලින් බර ස්වභාවය තවදුරටත් පවතිනු ඇති බවත් කාලගුණ විද්‍යා දෙපාර්තමේන්තුව පවසයි.
බස්නාහිර,දකුණු, සබරගමුව, මධ්‍යම සහ වයඹ පළාත්වල විටින් විට වැසි හෝ ගිගුරුම් සහිත වැසි ඇති හැකි බවත් ඇතැම් ස්ථානවලට,විශේෂයෙන් සබරගමුව සහ මධ්‍යම පළාත්වල මි.මී. 75ට වැඩි තරමක් තද වැසි ඇති විය හැකි එම දෙපාර්තමේන්තුව නිවේදනය කරයි.
අම්පාර සහ බදුල්ල දිස්ත්‍රික්කවල ස්ථාන ස්වල්පයක සවස 2.00 න් පසු වැසි හෝ ගිගුරුම් සහිත වැසි ඇතිවිය හැකි අතර අනුරාධපුර දිස්ත්‍රික්කයේ ස්ථාන ස්වල්පයක සිහින් වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.
දකුණු පළාතේත් මොණරාගල, මාතලේ, නුවරඑළිය සහ පොළොන්නරුව දිස්ත්‍රික්කවලත් විටින් විට හමන පැ.කි.මී.50 දක්වා තරමක් තද සුළං ඇති විය හැක බව කාලගුණ විද්‍යා දෙපාර්තමේන්තුව වැඩිදුරටත් සඳහන් කළේය.
COMMENTS