ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ 16 කණ්ඩායමේ මන්ත්‍රීවරුන්ට ඒකාබද්ධ විපක්ෂයට පැමිණ දේශපාලනය කිරීමට හැකියාව තිබුණද ශ්‍රී ලංකා පොද...
ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ 16 කණ්ඩායමේ මන්ත්‍රීවරුන්ට ඒකාබද්ධ විපක්ෂයට පැමිණ දේශපාලනය කිරීමට හැකියාව තිබුණද ශ්‍රී ලංකා පොදුජන පෙරමුණේ දේශපාලන තීන්දුවලට මැදිහත් වීමට තවත් බොහෝ කල් ඇතැයි ඒකාබද්ධ විපක්ෂයේ තරුණ මන්ත්‍රීවරුන් පවසයි.
යහපාලන ආණ්ඩුව ආරම්භ වූ අවස්ථාවේ සිට මේ දක්වා ආණ්ඩුවට විරුද්ධව ජනතා බලවේගයක් නිර්මාණය කළ ශ්‍රී ලංකා පොදුජන පෙරමුණේ දේශපාලන තීන්දුවලට ඇඟිලි ගැසීමට 16 කණ්ඩායමට නොහැකි බවත් පාර්ලිමේන්තුව තුළ විපක්ෂයේ කණ්ඩායමක් ලෙස අසුන් ගෙන ආණ්ඩුවට විරුද්ධව ගෙන යන වැඩපිළිවෙලට සහය දැක්වීමට ඔවුන්ට අවස්ථාව තිබෙන බව එම මන්ත්‍රීවරුන් සඳහන් කරති.
16 කණ්ඩායමේ ඇතැම් මන්ත්‍රීවරුන් මේ වන විට ශ්‍රී ලංකා පොදුජන පෙරමුණේ දේශපාලන කටයුතුවලට අනවශ්‍ය බලපෑම් කරමින් සිටින බවත්, එය වටහාගෙන කටයුතු කිරීම පොදුජන පෙරමුණේ වගකීම බවත් ඒකාබද්ධ විපක්ෂයේ තරුණ මන්ත්‍රීවරුන් පෙන්වා දෙති.
COMMENTS