"HIV බියක්" හේතුවෙන් සිය දියණියගේ අධ්‍යාපන කටයුතු අඩාල වී ඇති බව ගම්පහ ගනේමුල්ල ප්රදේශයේ වෙසෙන දැරියකගේ භාරකරුවෝ පවසති. අදාළ පා...
"HIV බියක්" හේතුවෙන් සිය දියණියගේ අධ්‍යාපන කටයුතු අඩාල වී ඇති බව ගම්පහ ගනේමුල්ල ප්රදේශයේ වෙසෙන දැරියකගේ භාරකරුවෝ පවසති.
අදාළ පාසල් දැරියගේ මව HIV ආසාදිත කාන්තාවක වන බැවින් ඇයට විදුහල්පතිවරයාගෙන් කෙනහිලිකම් සිදුවන බවට භාරකරුවෝ චෝදනා කරති.
දැරියගේ භාරකරුවන් වන ඇයගේ මවගේ සහෝදරයා සහ ඔහුගේ බිරිඳ පවසන්නේ මෙවර ශිෂ්‍යත්ව විභාගයට පෙනී සිටීමට නියමිත දැරිය විදුහල්පතිවරයාගෙන් එල්ල වන කෙනහිලිකම් හේතුවෙන් දැඩි මානසික පීඩනයකට ලක්ව ඇති බවය.
කෙසේ නමුත් අදාළ විදුහල්පතිවරයා එම චෝදනා ප්‍රතික්ෂේප කරයි.
ඉහත කී දැරිය පාසලෙන් අස්කර වෙනත් පාසලකට රැගෙන යන මෙන් ගනේමුල්ල ප්රදේශයේ ඇය ඉගනුම ලබන කනිෂ්ඨ පාසලේ බලධාරීන් තමන් පාසලට කැඳවා පැවසූ බව දැරියගේ භාරකරුවෝ පසුගිය වසරේදී ද චෝදනා කළහ.
2017 මාර්තු 20 වෙනිදා පාසල ඉදිරිපිටට රැස්වූ දෙමව්පියන් පිරිසක් දැරිය පාසලට ඇතුළුවීම වැළැක්වීමට ද උත්සාහ කර තිබිණි.
ඒ හේතුවෙන් දැරියගේ අධ්‍යාපන කටයුතු කඩාකප්පල් වී මසකට අධික කාලයක් නිවසේ නතර වී සිටීමට සිදුවිය.
"HIV බියක්" හේතුවෙන් පසුගිය වකවානුවේ සමාජය තුළ වැඩි අවධානය හිමි කර ගත් කුලියාපිටියේ දරුවා දැනට පදිංචිව සිටින කුලී නිවසේ කුලී මුදල වාර්ෂිකව ලබා දීමට අබාන්ස් පෞද්ගලික ආයතනය මේ වසරේදීත් කටයුතු කරනු ලැබීය.
මහනුවර ත්‍රිත්ව විද්‍යාලයේ මේ වන විට අධ්‍යාපනය හදාරන කුලියාපිටියේ දරුවා දැනට පදිංචිව සිටින කුලී නිවසේ කුලී මුදල 2016 වසරේ මාර්තු මාසයේ සිට වාර්ෂිකව ලබා දීමට අබාන්ස් පෞද්ගලික ආයතනය ඉදිරිපත් විය.
ඒ අනුව 2018 වසර සඳහා වන කුලී මුදලට අදාළ චෙක්පත අධ්‍යාපන අමාත්‍ය අකිල විරාජ් කාරියවසම් මහතා වෙත ලබා දීම පසුගිය දා අධ්‍යාපන අමාත්‍යාංශයේ දී සිදු කෙරිණි.
සමාජ සංවේදී සිදුවීම්වලදී මානුෂීයව මැදිහත්වීම පිළිබඳ පුද්ගලිකවම අබාන්ස් ආයතනයට තමා ස්තූතිවන්ත වන බව මෙහි දී අමාත්‍යවරයා ප්‍රකාශ කළේය.
"HIV බියක්" හේතුවෙන් පසුගිය වකවානුවේ සමාජය තුළ වැඩි අවධානය හිමි කර ගත් කුලියාපිටිය දරුවාගේ ඉදිරි අධ්‍යාපන කටයුතු බාධාවකින් තොරව සිදු කර ගෙන යාම සඳහා ඔහු දැනට ඉගෙනුම ලබන මහනුවර ප්රදේශයේ පාසල ආසන්නයෙන්ම නිවසක් ලබා දීමට අධ්‍යාපන අමාත්‍යාංශය පසුගියදා පියවර ගත්තේ අධ්‍යාපන අමාත්‍ය අකිල විරාජ් කාරියවසම් මහතාගේ සෘජු උපදෙස් මතයි.
COMMENTS