2017 වර්ෂයේ ලෝකයේ වැඩිම පිරිසක්‌ නරක පින්තූර අන්තර්ජාලයට එක්‌ කළ රට ශ්‍රී ලංකාව යැයි ගූගල් ආයතනයේ සෙක්‌ අංශය මගින් වාර්තා කොට ඇතැයි රජරට ව...
2017 වර්ෂයේ ලෝකයේ වැඩිම පිරිසක්‌ නරක පින්තූර අන්තර්ජාලයට එක්‌ කළ රට ශ්‍රී ලංකාව යැයි ගූගල් ආයතනයේ සෙක්‌ අංශය මගින් වාර්තා කොට ඇතැයි රජරට විශ්වවිද්‍යාලයේ බාහිර කථිකාචාර්යවරයකු වන මෘදුකාංග ඉංජිනේරු පැතුම් බුද්ධික මහතා ප්‍රකාශ කර තිබේ.
ඒ පසුගිය 13 වන දා අනුරාධපුර පිහිටි “කාන්තා පිහිට“ මධ්‍යස්‌ථානයේදී ලෝක කාන්තා දිනය නිමිත්තෙන් පැවැත්වූ දේශනයකදී ය.
ශ්‍රී ලංකාවේ පුද්ගලයන්ගේ පරිගණක දැනුම සමස්‌තයක්‌ වශයෙන් සියයට 38 ක්‌ බවත් ඉන් පුරුෂ පක්‍ෂයේ අය සියයට 89 ක්‌ බවත් ශ්‍රී ලංකාවේ අප සිටින්නේ ඉතා නොදියුණු තාක්‍ෂණයක බවත් පැතුම් බුද්ධික මහතා සඳහන් කර තිබේ.
ලංකාවට අන්තර්ජාල පහසුකම් 1980 වර්ෂයේ ලැබුණ අතර එය 1995 වර්ෂය දක්‌වා අක්‍රිව තිබුණ බවත් අන්තර්ජාලයට ප්‍රවීණ මාධ්‍යවේදී එඩ්වින් ආරියදාස මහතා නම යෙදුව බවත් ඔහු පැවසී ය.
දේශනයදී අන්තර් ජාලයේ ආරක්‍ෂාව පිළිබඳවත් මැල්වාය (වෛරස්‌) පිළිබඳවත් පරිගණක අපරාධ පිළිබඳවත් දරුවන්ට අන්තර් ජාලය පාවිච්චි කිරීමට ලබාදිය යුතු අන්දම පිළිබඳව හා සෑම විට දරුවන්ට තමන් ඉදිරියේ නැති මෘදුකාංගය මගින් නිවසේ සාලයේ පරිගණක පාවිච්චි කිරීමට ලබාදිය යුතු යැයි හෙතෙම අවධාරණය කළේය.
විශේෂයෙන් සයිබර් හිංසනය පිළිබඳවත් වර්තමානයේ උද්ගතවී ඇති ෆේස්බුක්‌ ඇතුළු අනෙකුත් සමාජ ජාල වෙබ් අඩවි තාවකාලිකව අවහිර කර තිබෙන්නේ පෙර කී සමාජ හිංසනය නිසා බවද පැතුම් බුද්ධික මහතා වැඩිදුරටත් පැවසී ය.
COMMENTS