අගමැතිට එරෙහි විශ්වාසභංගය දැවැන්ත ලෙස පරාජයට පත්කරන බව බලශක්ති හා පුනර්ජනනීය බලශක්ති අමාත්‍ය අජිත් පී පෙරේරා මහතා පවසයි. ඒ ඊයේ (20) පානද...
අගමැතිට එරෙහි විශ්වාසභංගය දැවැන්ත ලෙස පරාජයට පත්කරන බව බලශක්ති හා පුනර්ජනනීය බලශක්ති අමාත්‍ය අජිත් පී පෙරේරා මහතා පවසයි.
ඒ ඊයේ (20) පානදුර නගර සභාව කළ එක්සත් ජාතික පක්ෂ මන්ත්‍රීවරුන්ගේ දිවුරුම් දීමේ අවස්ථාවට එක්වෙමිනි.
එහිදී ඒ මහතා මෙසේ අදහස් දැක්විය.
“ඊයෙත් අපි පක්ෂයේ ප්‍රතිසංවිධානය පිළිබඳ වාර්තාවක් අදාළ බලධාරීන්ට භාර දුන්නා. ඒ සියලුදෙනාගේම මතයන් සලකලා මේ රටේ තියෙන ශ්‍රේෂ්ඨතම පක්ෂය එක්සත් ජාතික පක්ෂය ඉදිරියට ගෙන යෑම සඳහා ඒ අනාගතය වෙනුවෙන් මේ පක්ෂයේ ප්‍රතිපත්ති සහ අනාගතය වෙනුවෙන් ඒ පක්ෂය ඉදිරියට ගෙන යන්නේ කවුද කියන කාරණය ගැන නිශ්චිතව තීරණාත්මකව, බරපතල තීරණ ගත යුතුව ඇති බව විතරක් මම මේ මොහොතේ කියන්න කැමතියි. අග්‍රාමාත්‍යවරයාට විරුද්ධව චෝදනා කියලා, අවසානයේ කියනවා රජය කෙරෙහි විශ්වාසය නැහැ කියලා. ඒ නිසා අග්‍රාමාත්‍යවරයා ප්රමුඛ මේ රජයට එරෙහිව අරන් ඇවිල්ලා තියෙන දූෂිත තක්කඩි, ඒකාබද්ධ විපක්ෂයේ මන්ත්‍රීවරුන් විසින් මෙහෙයවන මේ විශ්වාසභංගය අපි දැවැන්ත ලෙස පරාජය කරනවා.”
“එතැනදී එක්සත් ජාතික පක්ෂය බෙදිලා නැහැ. එතැනදී එක්සත් ජාතික පක්ෂයේ කිසිම මන්ත්‍රීවරයෙක් මේ විශ්වාසභංග යෝජනාවට පක්ෂව ජන්දය දෙන්නේ නැහැයි කියන විශ්වාසය මම තමුන්නාන්සේලාට වගකීමෙන් කියන්න කැමතියි. එක්සත් ජාතික පක්ෂයේ බලය වට්ටන්න හදනවා නම් අපි පළමුව එය පරාජයට පත් කරනවා. හැබැයි ඒකෙන් අදහස් වෙන්නේ නැහැ මේ රජය නිවැරදියි කියලා. ඒකෙන් අදහස් වෙන්නේ නැහැ අපි ආපු ගමන නිවැරදියි කියලා. ඒකෙන් අදහස් වෙන්නේ නැහැ පරණ ක්‍රමයටම ඉස්සරහට යා යුතුයි කියලා. අපි විශ්වාසභංග යෝජනාව වහාම පරාජයට පත් කරනවා.” යැයිද ඒ මහතා වැඩිදුරටත් පැවසීය.
COMMENTS