එක්සත් ජාතික පක්ෂයේ අපි කැප වී අලුත් නායක පරපුරක් බිහි කරන බවත් ආණ්ඩුව ගෙන ගිය වැඩපිලිවෙල කෙරෙහි ජනතා ප්‍රසාදයක් නොමැති බවට පළාත් පාලන මැත...
එක්සත් ජාතික පක්ෂයේ අපි කැප වී අලුත් නායක පරපුරක් බිහි කරන බවත් ආණ්ඩුව ගෙන ගිය වැඩපිලිවෙල කෙරෙහි ජනතා ප්‍රසාදයක් නොමැති බවට පළාත් පාලන මැතිවරණයේ ප්‍රතිඵලවලින් නිරූපනය වූ බවත් අග්‍රාමාත්‍ය රනිල් වික්‍රමසිංහ මහතා පවසයි.
අරලියගහ මන්දිරයේ අද (23) පෙරවරුවේ පැවැති සාකච්ඡාවකදී අග්‍රාමාත්‍යවරයා මේ බව ප්‍රකාශ කළේය.
එක්සත් ජාතික පක්ෂයේ ඉදිරි වැඩකටයුතු සම්බන්ධයෙන් විශේෂ සාකච්ඡාවක් අද පෙරවරුවේ අරලියගහ මන්දිරයේදි පැවැත්වුනේ එක්සත් ජාතික පක්ෂ නායක, අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙනි.
ඒ සඳහා එක්සත් ජාතික පක්ෂය නියෝජනය කරන අමාත්‍යවරුන් මෙන්ම නියෝජ්‍ය අමාත්‍යවරුන් කිහිප දෙනෙකුද එක්ව සිටියේය.
පළාත් පාලන මැතිවරණයේ දී එක්සත් ජාතික පක්ෂය ගෙන ගිය වැඩසටහන ගැන ජනතාව වගකිමක් නොදැක්වු බව ද වැටහුණු බවත් මෙවර මැතිවරණයේ ප්‍රතිඵල තමන් පිළිගත් බවත් අගමැතිවරයා මෙහිදී වැඩිදුරටත් පැවසීය.
ආණ්ඩුවක් ලෙස ජනතාවගේ බලාපොරොත්තු සම්පූර්ණයෙන් ඉටු කරන්න බැරි වුණා කියලා පිළිගන්නා බව ද අගමැතිවරයා මෙහිදී කියා සිටියේය.
එහිදී ඒ මහතා මෙසේ අදහස් දැක්වීය.
“පළාත් පාලන ඡන්දයේදී අපි ගෙනියන වැඩසටහන ගැන සම්පුර්ණයෙන්ම ජනතාව කැමැත්තක් නැති බව පෙනුණා. වෙන රටවල්වල මෙහෙම ඡන්ද පවත්වන්නේ ජනතා මතය දැන ගන්න. රටවල් ගණනාවක තමන්ගේ කාලය මැදදී ඡන්ද පවත්වනවා. ඒ ඡන්දයේ ප්‍රතිඵල අනුව තමන්ට තේරෙනවා ජනතාව සහයෝගය දෙනවද තමන්ගේ ප්‍රතිපත්ති වලට විරුද්ධද එකඟද කියලා. ඒ නිසා මේ ලැබූ ප්‍රතිඵලය අපි පිලි අරගෙන තියෙනවා. ආණ්ඩුවක් හැටියට ජනතාවගේ බලාපොරොත්තු සම්පුර්ණයෙන්ම ඉෂ්ඨ බැරි වුණ බව අප පිළිගන්නවා. එක්සත් ජාතික පක්ෂයේ අපි කැපවෙලා ඉන්නවා අලුත් නායක පරපුරක් බිහි කරන්න. ඒ නායක පරපුර ඇමතිවරු අතරත් ඉන්නවා, පාර්ලිමේන්තු කණ්ඩායමෙත් ඉන්නවා, පළාත් සභා කණ්ඩායමෙත් ඉන්නවා, පක්ෂයෙත් ඉන්නවා.”
එම වීඩියෝව පහතින්,
COMMENTS