ජනතාව කෙරෙහි විශ්වාසය තබමින් නොකිලිටි දේශපාලන ව්‍යාපාරයක් සමග රට ඉදිරියට ගෙනයාමේ වැඩපිළිවෙළේ ඇරඹුම මෙම පෙබරවාරී 10 වන දා සනිටුහන් කරන බව ජ...
ජනතාව කෙරෙහි විශ්වාසය තබමින් නොකිලිටි දේශපාලන ව්‍යාපාරයක් සමග රට ඉදිරියට ගෙනයාමේ වැඩපිළිවෙළේ ඇරඹුම මෙම පෙබරවාරී 10 වන දා සනිටුහන් කරන බව ජනාධිපති මෛතී‍්‍රපාල සිරිසේන මහතා පවසයි.
ජනාධිපතිවරයා මේ බව ප‍්‍රකාශ කළේ ඊයේ (06) පස්වරුවේ මහරගම ප‍්‍රදේශයේ පැවති ජනහමුවක් අමතමිනි.
දූෂිත දේශපාලනඥයින්ගේ රැකවරණය වෙනුවෙන් අලුත් පක්ෂයක් හරහා ගොඩනගාගත් පවුර මෙම පෙබරවාරි 10 වනදා රටට ආදරය කරන ජනතාව එක්ව බිඳ දමනු ඇති බව ද ජනාධිපතිවරයා මෙහිදී සඳහන් කළේය.
ඉදිරියේදී මේ රට සෞභාග්‍යවත් දේශයක් ලෙස ගොඩනැගීමට නම් රටට නායකත්වය දිය යුත්තේ සොරුන් නොවන පිරිසිදු දේශපාලනඥයින් පිරිසක් බව පැවසූ ජනාධිපතිවරයා එම ජනතාවාදී ව්‍යාපාරයේ පෙරමුණ ගත හැක්කේ රටේ ජනතාවාදී ව්‍යාපාරය වූ ශී‍්‍ර ලංකා නිදහස් පක්ෂයට පමණක් බව ද කියා සිටියේය.
COMMENTS