අගමැති රනිල් වික්‍රමසිංහ මහතා අද (10) පාර්ලිමේන්තුවේන්තුවේ දී විශේෂ ප්‍රකාශයක් සිදු කළේ ය. මහබැංකු බැදුම්කර සිදුවීම සම්බන්ධයෙන් සිදු කළ ව...
අගමැති රනිල් වික්‍රමසිංහ මහතා අද (10) පාර්ලිමේන්තුවේන්තුවේ දී විශේෂ ප්‍රකාශයක් සිදු කළේ ය.
මහබැංකු බැදුම්කර සිදුවීම සම්බන්ධයෙන් සිදු කළ විමර්ශන සහ රජය ඒ සම්බන්ධයෙන් පත් කළ කෝප් කමිටුව ගත් ක්‍රියාමාර්ග සම්බන්ධයෙන් කරුණු පැහැදිළි කිරීමේ අරමුණින් අගමැතිවරයා මෙම ප්‍රකාශය සිදු කළේ ය.
අගමැතිවරයා පාර්ලිමේන්තුවේදී විශේෂ ප්‍රකාශයක් සිදුකිරීමත් සමඟ ඒකාබද්ධ විපක්ෂයේ මන්ත්‍රීවරු පාර්ලිමේන්තු සභාව මධ්‍යයට පැමිණ විරෝධය පළකර තිබේ.
ඇති වූ එම උණුසුම්කාරී තත්වය හේතුවෙන් විශේෂ පක්ෂ නායක රැස්වීමක් සඳහා පාර්ලිමේන්තුව තාවකාලිකව කල් තැබීමට කථානායකවරයා පියවර ගත්තේය.
ඒ අනුව පාර්ලිමේන්තුවේ කටයුතු විනාඩි දහයකට තාවකාලිකව අත් හිටුවීමට කතානායක කරූ ජයසූරිය මහතා මීට සුළු මොහොතකට පෙර කටයුතු කළේ ය.
මහබැංකු බැදුම්කර සිද්ධිය සම්බන්ධව විමර්ශනය කළ කොමිෂන් වාර්තාව සම්බන්ධයෙන් පාර්ලිමේන්තුවේ දී විවාදයට ගැනීම සම්බන්ධව සාකච්ඡා කිරීමට අද පාර්ලිමේන්තුව කැඳව තිබුණි.
විපක්ෂය විසින් දිගින් දිගටම විමර්ශන වාර්තාව සභාගත කරන ලෙස ඉල්ලා සිටියේ ය.
ඒකාබද්ධ විපක්ෂ මන්ත්‍රීරීවරුන් පාර්ලිමේන්තු සභා ගැබට පැමිණ විරෝධතාවයක නිරත විය.
නියෝජ්‍ය ඇමැති හර්ෂද සිල්වා මහතා චෝදනා කරන්නේ අගමැතිවරයා කතා කරමින් සිටින විට ඔහු දෙසට යමකින් දමා ගැසූ බවයි.
COMMENTS