ගොවිජන මධ්‍යස්ථානවලින් නිකුත් කරන පොහොර ප්‍රමාණවත් නොවන බවට ගොවීන් පිරිසක් චෝදනා කරනු ලැබීය. පොලොන්නරුව, පුලස්තිගම ගොවිජන සේවා මධ්‍යස්ථාන...
ගොවිජන මධ්‍යස්ථානවලින් නිකුත් කරන පොහොර ප්‍රමාණවත් නොවන බවට ගොවීන් පිරිසක් චෝදනා කරනු ලැබීය.
පොලොන්නරුව, පුලස්තිගම ගොවිජන සේවා මධ්‍යස්ථානය වෙත ඊයේ (27) පැමිණි ගොවීන් කියා සිටියේ ජාතික හැඳුනුම්පතට පොහොර මිටි දෙකක් නිකුත් කරන බවයි.
එමෙන්ම පොලොන්නරුව, සේවාගම, පළුගස්දමන ගොවිජන සේවා මධ්‍යස්ථානය වෙත පැමිණි සිටි ඇතැම් ගොවීන් ද කියා සිටියේ තමන්ට නිකුත් කරන පොහොර ප්‍රමාණය වගාව සඳහා ප්‍රමාණවත් නොවන බවයි.
මේ අතර රජය මඟින් ලබා දෙන සහනාධාර පොහොර වැඩි මිලට විකිණූ ව්‍යාපාරිකයින් දෙදෙනෙකු මහියංගනය, කෙසෙල්පොත ප්‍රදේශයේ දී අත්අඩංගුවට ගෙන තිබේ.
ඊයේ අත්අඩංගුවට ගත් මෙම ව්‍යාපාරිකයන් දෙදෙනා එලෙස විකිණීම සඳහා සකස් කර තිබූ පොහොර මිටි 62ක් පොලිස් භාරයට ගෙන ඇති බව සඳහන්ය.
COMMENTS