ඇමැති තිදෙනෙකුට ඉල්ලා අස්වෙන්න යැයි ජවිපෙන් රතු එළියක්

ජාතික ප්‍රශ්න විසඳීමට තිබෙන ජාතික සහජීවන, ජාතික ඒකාබද්ධතා හා ප්‍රතිසංවිධාන, බන්ධනාගාර ප්‍රතිසංස්කරණ සහ හින්දු ආගමික කටයුතු යන අමාත්‍යංශවල ...

ජාතික ප්‍රශ්න විසඳීමට තිබෙන ජාතික සහජීවන, ජාතික ඒකාබද්ධතා හා ප්‍රතිසංවිධාන, බන්ධනාගාර ප්‍රතිසංස්කරණ සහ හින්දු ආගමික කටයුතු යන අමාත්‍යංශවල සිටින අමාත්‍යවරුන් තිදෙනා වහාම ඉල්ලා අස්විය යුතු බව ජනතා විමුක්ති පෙරමුණේ මන්ත්‍රී බිමල් රත්නායක මහතා පෙරේදා (07) පාර්ලිමේන්තුවේදී පැවසීය.

එම අමාත්‍යාංශවලට 2017 වසර සඳහා වෙන් කර ඇති මුදල් නිසි පරිදි වියදම් කර නොමැති බවද ඒ මහතා පවසා සිටියේය.

ජනාධිපතිවරයා යටතේ ජාතික ඒකාබද්ධතා හා ප්‍රතිසන්ධාන අමාත්‍යාංශයට රුපියල් මිලියන 3,532ක් වෙන් කර තිබුණද, රුපියල් මිලියන 325ක් පමණක් ලබා ගෙන තිබෙන බවත්, ඉන් 09% ක් පමණක් වියදම් කර තිබෙන බවත් ඒ මහතා වැඩිදුරටත් පවසා සිටියේය.