පළාත් පාලන ඡන්දය සඳහා තරග කරන සියලුම දේශපාලන පක්ෂවල ලේකම්වරුන්ගේ සාකච්ඡාවක් මැතිවරණ කොමිෂන් සභා කාර්යාලයේදී හෙට (27) පැවැත්වේ. මැතිවරණ මහ...
පළාත් පාලන ඡන්දය සඳහා තරග කරන සියලුම දේශපාලන පක්ෂවල ලේකම්වරුන්ගේ සාකච්ඡාවක් මැතිවරණ කොමිෂන් සභා කාර්යාලයේදී හෙට (27) පැවැත්වේ.
මැතිවරණ මහලේකම් කාර්යාලය සඳහන් කළේ මැතිවරණ නීති උල්ලංඝණය කිරීම් ඇතුළු කරුණු කිහිපයක් සම්බන්ධයෙන් එහිදී සාකච්ඡා කෙරෙන බවයි.
මැතිවරණ කොමිෂන් සභාවේ සභාපති මහින්ද දේශප්‍රිය මහතා සඳහන් කළේ උපන් දින උත්සවවලදී පෞද්ගලික පරිත්‍යාගයක් ලබාදීම සම්බන්ධයෙන්ද, අපේක්ෂකයන් ගමන් කරන වාහන ලියාපදිංචි කළ යුතු බවටද මෙම හමුවේදී සාකච්ඡා කෙරෙන බවයි.
ප්‍රචාරක කාර්යාල පිහිටුවීම සම්බන්ධව සහ ඡන්ද නීති රීති ක්රියාත්මක කිරීම පිළිබඳව මෙම සාකච්ඡාවේදී තීන්දු තීරණ ගැනීමට අපේක්ෂා කරන බව හෙතෙම පෙන්වා දුන්නේය.
මීට අමතරව දිස්ත්‍රික් තේරීම්භාර නිලධාරීන් සහ මැතිවරණ කොමිසමේ නිලධාරීන් අතර සාකච්ඡාවක් අනිද්දා පැවැත්වීමට නියමිතව තිබේ.
COMMENTS