ශ්‍රී ලංකා පොදුජන පෙරමුණෙහි මැතිවරණ ව්‍යාපාරය හිටපු ජනාධිපති මහින්ද රාජපක්‍ෂ මහතාගේ නායකත්වය යටතේ ගෙන යෑමට ඒකාබද්ධ විපක්‍ෂය තීරණය කොට තිබේ...
ශ්‍රී ලංකා පොදුජන පෙරමුණෙහි මැතිවරණ ව්‍යාපාරය හිටපු ජනාධිපති මහින්ද රාජපක්‍ෂ මහතාගේ නායකත්වය යටතේ ගෙන යෑමට ඒකාබද්ධ විපක්‍ෂය තීරණය කොට තිබේ.
ඒ අනුව ඡන්ද ප්‍රචාරක වැඩසටහන ලබන ජනවාරි 02 වැනිදා කොළඹ සුගතදාස ගෘහස්ථ ක්‍රීඩාංගණයෙන් ආරම්භ කිරීමට නියමිතය.
පළාත් පාලන මැතිවරණයේදී ශ්‍රී ලංකා පොදුජන පෙරමුණ ජයග්‍රහණය කරවිය යුත්තේ ඇයිද කියා මෙහිදී රටට හෙළිකරන බවත් ඒකාබද්ධ විපක්‍ෂයේ පක්‍ෂ නායකයන්, ශ්‍රී ලංකා පොදුජන පෙරමුණ සමඟ තරග කරන සියලුම දේශපාලන පක්‍ෂවල නායකයන් ඇතුළු විශාල පිරිසක් මේ අවස්ථාවට සහභාගි වීමට නියමිත බව වාර්තා වේ.
ඉදිරි පළාත් පාලන මැතිවරණයට ශ්‍රී ලංකා පොදුජන පෙරමුණෙන් තරග කරන සියලුම අපේක්‍ෂකයන් රට ආරක්‍ෂා කරමින් ගම දිනවීම සඳහා විශේෂ ප්‍රතිඥාවක් ද මෙදින රට හමුවේ තබන බව ආරංචි මාර්ග පවසයි.
COMMENTS