බැඳුම්කර කොමිසමේදී මන්ත්‍රීවරුන්ගේ රහසිගත දුරකථන සංවාද පිළිබඳව පරීක්‌ෂණ පැවැත් වූ අපරාධ පරීක්‌ෂණ දෙපාර්තමේන්තුවේ නිලධාරියාට එරෙහිව පොලිස්...
බැඳුම්කර කොමිසමේදී මන්ත්‍රීවරුන්ගේ රහසිගත දුරකථන සංවාද පිළිබඳව පරීක්‌ෂණ පැවැත් වූ අපරාධ පරීක්‌ෂණ දෙපාර්තමේන්තුවේ නිලධාරියාට එරෙහිව පොලිස්‌පතිවරයාගේ නියමයෙන් පුළුල් විමර්ශනයක්‌ ආරම්භ කර ඇතැයි පොලිස් මූලස්‌ථාන ආරංචි මාර්ග පවසයි.
බැඳුම්කර සිද්ධියට අදාළව අර්ජුන් ඇලෝසියස්‌ මහතා සමඟ දුරකථන සංවාද පැවැත් වූ බව කියන මන්ත්‍රීවරුන් පිරිසක්‌ පොලිස්‌පතිවරයාගෙන් කළ ඉල්ලීමකට අනුව මෙම විමර්ශන නිලධාරියාට එරෙහිව පරීක්‌ෂණයක්‌ ක්රියාත්මක කර ඇති බව ජාතික පුවත්පතක් වාර්තා කර තිබේ.
තම රහසිගත දුරකථන සංවාදවලට මෙම නිලධාරියා හොරෙන් සවන්දුන් බවට චෝදනා කරමින් බැඳුම්කර සිද්ධිය සම්බන්ධයෙන් නම් සඳහන් වන මන්ත්‍රීවරුන් පිරිසක්‌ විසින් පැමිණිලි කර ඇත.
ඒ අනුව අපරාධ පරීක්‌ෂණ දෙපාර්තමේන්තුවේ විමර්ශන නිලධාරියාට එරෙහිව වෙනම පරීක්‌ෂණයක්‌ ආරම්භ කර ඇති අතර මෙම විමර්ශනයද අපරාධ පරීක්‌ෂණ දෙපාර්තමේන්තුවේම නිලධාරීන් පිරිසක්‌ විසින් ක්රියාත්මක කරනු ඇතැයි වාර්තා වේ.
මෙම රහසිගත දුරකථන සංවාද පිළිබඳව විමර්ශන කිරීම බැඳුම්කර කොමිසමේ නියෝග මත සිදු කර ඇති බවත් මෙම රහසිගත දුරකථන සංවාද පිළිබඳව සෙවීමට අපරාධ පරීක්‌ෂණ දෙපාර්තමේන්තු නිලධාරීන් වෙත සහාය වන ලෙස අදාළ දුරකථන සමාගම් වෙත දැනුම් දී තිබුණේද බැඳුම්කර කොමිසමෙන් බවත් පොලිස් මූලස්‌ථාන ආරංචි මාර්ග සඳහන් කරයි.
එසේ තිබියදී මෙම රහසිගත දුරකථන සංවාද පිළිබඳව විමර්ශන කළ නිලධාරියාට එරෙහිව පරීක්‌ෂණයක්‌ පැවැත්වීම ඉතාම අසාධාරණ ක්‍රියාවක්‌ බවද පොලිස් මූලස්‌ථාන ආරංචි මාර්ග වැඩිදුරටත් පවසයි.
COMMENTS