රාජ්‍ය ව්‍යවසාය සංවර්ධන අමාත්‍ය කබීර් හෂීම් හා සංවර්ධන උපායමාර්ග, ජාත්‍යන්තර වෙළඳ අමාත්‍ය මලික් සමරවික්‍රම යන මහත්වරුන්ට හෙට (11) භාණ්ඩාග...
රාජ්‍ය ව්‍යවසාය සංවර්ධන අමාත්‍ය කබීර් හෂීම් හා සංවර්ධන උපායමාර්ග, ජාත්‍යන්තර වෙළඳ අමාත්‍ය මලික් සමරවික්‍රම යන මහත්වරුන්ට හෙට (11) භාණ්ඩාගාර බැඳුම්කර නිකුත් කිරීම පිළිබඳ පරික්ෂා කිරීමේ හා විමර්ශනය කිරීමේ ජනාධිපති කොමිසම හමුවේ පෙනී සිටීමට නියමිත බව වාර්තා වේ.
ඔවුන්ට, අද (10) අදාළ කොමිසම හමුවේ පෙනී සිටින ලෙස දන්වා තිබූ අතර අද ජනපතිවරයා මුණගැසීමෙන් අනතුරුව අද කැබිනට් රැස්වීම් ආදී ඇති කාර්ය බහුල දිනයක් නිසා ඔවුන් එම කොමිසම හමුවේ හෙට පෙනී සිටීමට තීරණය කර ඇති බව ඉතා විශ්වාසදායක ආරංචි මාර්ගයකින් වාර්තා වේ.
update-10.00am
----------------------------------------------------------------------------------------------------------------------------------------------------------------
මලික් හා කබීර් බැඳුම්කර කොමිසමට : දැන් දෙන්නම ජනපති ළඟ ?
රාජ්‍ය ව්‍යවසාය සංවර්ධන අමාත්‍ය කබීර් හෂීම් හා සංවර්ධන උපායමාර්ග, ජාත්‍යන්තර වෙළඳ අමාත්‍ය මලික් සමරවික්‍රම යන මහත්වරුන්ට භාණ්ඩාගාර බැඳුම්කර නිකුත් කිරීම පිළිබඳ පරික්ෂා කිරීමේ හා විමර්ශනය කිරීමේ ජනාධිපති කොමිසම හමුවේ අද (10) පෙනී සිටින ලෙස දන්වා තිබේ.
මොවුන් දෙදෙනා මේවන විට විදෙස්ගතව සිටින අග්‍රාමාත්‍ය රනිල් වික්‍රමසිංහ මහතාට ද මේ සම්බන්ධයෙන් දන්වා ඇති අතර ඔහුගේ උපදෙස් අනුව හිටපු මුදල් අමාත්‍ය රවී කරුණානායක මහතා මුණගැසී ඇති බවද මේ අතර වාර්තා වේ.
කැබිනට් මීටිමත් ප්‍රමාදයි !
ඔවුන් අද (10) පෙරවරුවේ ජනාධිපති මෛත්‍රීපාල සිරිසේන මහතා මුණ ගැසීමට ද නියමිත බව වාර්තා වන අතර ජනපතිගේ තීන්දුව අනුව ඔවුන් කොමිසම හමුවේ පෙනී සිටින්නේද නැද්ද යන්න තීරණය කෙරෙන බවද පැවසේ.
විශ්වාස කටයුතු ආරංචි මාර්ගවලින් වාර්තා වන්නේ මේවන විට මොවුන් දෙදෙනා තීරණය කර ඇත්තේ අද (10) අදාළ කොමිසම හමුවේ පෙනී නොසිටීමට බවයි.
කබීර් හා මලික් අද පෙරවරුවේ ජනපති මුණ ගැසීමට යාම හේතුවෙන් වෙනදාට පෙරවරු 8.00ට පැවැත්වෙන කැබිනට් රැස්වීම අද පෙරවරු 10.00 දක්වා කල්දමා ඇති බවද වාර්තා වේ.
‘ඇරලා බලන්න ලයිෂන් තිබිය දී ඔබලා බලන කොමිෂන් වැඩක්’
කෙසේවුවද, ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ කීර්ති තෙන්නකෝන් මහතා මාධ්‍ය සාකච්ඡාවක් කැඳවමින් බැදුම්කර වංචාවට සම්බන්ධ තැනැත්තන් හදුණාගැනීමට පත් කළ ‘බැදුම්කර කොමිසම‘ රාජ්‍ය බැංකු බාර කබීර් හෂීම් අමාත්‍යවරයාත්, එදා කිසිම රාජ්‍ය තනතුරක් නොතිබුණු මලික් සමරවික්‍ර‍මත් අතහැර ‘අක්‍ර‍මිකතා පිළිබඳ වගකිව යුතු තැනැත්තා හෝ තැනැත්තන් හදුණාගන්නට උත්සහ දැරීම ‘ඇරලා බලන්න ලයිෂන් තිබිය දී ඔබලා බලන කොමිෂන් වැඩක්’ බවට චෝදනා කර සිටියේය.
මොවුන් දෙදෙනා මෙම අක්‍ර‍මිකතාවට සම්බන්ධ නොවන්නටත් හැකියැයිද එහිදී කී රජිත්, කෙසේවුවද ඔවුන් ඉහළම වැදගත්කම ඇති සාක්ෂිකරුවන් බව පැහැදිළියැයිද කියා සිටියේය.
එසේම, රවී ගේ ශරීර කුඩුවට මුවා වී මහ මගඩිය පිටුපස සිටි පුද්ගලයින් සැගවීමට ඉඩ නොදිය යුතු බවත්, කබීර් හෝ මලික් බැදුම්කර වංචාවට අදාළ මුල් රැස්වීමට සම්බන්ධ වූයේ කෙසේද? යන්න ගැනත්, ඒ සදහා ඔවුන් පෙළඹවූයේ කවුරුන්ද? යන්න ද හෙළිදරව්කරගත යුතුව ඇතැයි ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂවරයා එහිදී කීය.
COMMENTS