ඊයේ (07) කොටිකාවත්ත ප්‍රදේශයේ පැවති “අගයමු ඩෙංගු සත්කාර මෙහෙවර” උත්සවය අමතමින් අමාත්‍යවරයා මේ බව කියා සිටියේය. ඩෙංගු රෝගය ව්‍යාප්තව ප...
ඊයේ (07) කොටිකාවත්ත ප්‍රදේශයේ පැවති “අගයමු ඩෙංගු සත්කාර මෙහෙවර” උත්සවය අමතමින් අමාත්‍යවරයා මේ බව කියා සිටියේය.
ඩෙංගු රෝගය ව්‍යාප්තව පැවති පසුගිය කාලසීමාවේදී IDH උණ රෝහලේ කාර්යමණ්ඩලය කටයුතු කළ ආකාරය අගය කළයුතු බවත් පළමුව රෝගීන් ගැන සිතා කටයුතු කිරීමෙ සෞඛ්‍ය ක්ෂේත්‍රයේ සියලු දෙනාට ආදර්ශයක් බවත් ඇමතිවරයා පවසයි.
තවදුරටත් අදහස් දැක්වූ රාජිත සේනාරත්න මහතා,
“2016 වර්ෂයේ දී හා 2017 වර්ෂයේ දී ඩෙංගු රෝගීන්ගේ වාර්තාවීම වැඩි අගයක් දක්නට ලැබුනා. රෝගය පැතිරයාම වැළැක්වීම සදහා විවිධ ක්‍රියාමාර්ග ගත්තා, ජාතික බෝවන රෝග විද්‍යායතනය, මීගමුව දිස්ත්‍රික් මහ රෝහල ඇතුලු දිවයින පුරා රෝහල්වලින් ප්‍රතිකාර සේවා විධිමත්ව සිදුවීම හේතුවෙන් රෝගය පාලනය වුනා. ජාතික බෝවන රෝග විද්‍යායතනයේ ඇඳන් 180 ක් තුල රෝගීන් 600 ක් පමණ සිටියා. කාර්ය මණ්ඩලය සාමූහිකව වැඩ කළා. රෝහලට අවශ්‍ය සියලුම දේවල් අමාත්‍යාංශය මගින් මම ලබාදුන්නා. රෝගීන්ට ඉඩකඩ ප්‍රමාණවත් නොවීම නිසා ශ්‍රී ලංකා යුධ හමුදාව තාවකාලික ගොඩනැගිලි ඉදිකර දුන්නා. සමහර අය කරන සේවය, තවත් පිරිසක් විසින් සිදු කරන නොමනා වැඩ හේතුවෙන් විවේචනයට ලක් වෙනවා. ගම්බිම් වල කථා කරනවා. මම නම් එවිට කියන්නේ මාධ්‍ය මගින් දකින සෞඛ්‍ය සේවාවට වඩා ඉහළ සෞඛ්‍ය සේවාවක් ලංකාවේ ඇති බවයි. රෝහල් අධ්‍යක්ෂවරුන් තමන්ගේ දේටත් වඩා රෝහල් දියුණු කර ගැනීමේ පහසුකම් තමයි ඉල්ලන්නේ. නමුත් ඇතැම් අය මාධ්‍ය ඉදිරියේ උචිත නොවන කථා කියනවා. විදුලි කොටනවා වගේ වැඩවර්ජන කරනවා කියනවා. සියලු දෙනා එකමුතුව වැඩ කළ යුතුයි. අපි වැඩ වර්ජන කරනවා කියලා වැඩවර්ජන වලට දායක නොවන වෛද්‍යවරුන් ද සිටිනවා. දීප්තිමත් ඉතිහාසයක් ඇති සෞඛ්‍ය සේවාවක් ශ්‍රී ලංකාව සතු වෙනවා. එම සෞඛ්‍ය සේවාව ලෝක සෞඛ්‍ය සංවිධානය ද පිළිගන්නවා.”
COMMENTS