විවිධ අවස්ථාවලදී මෙම නීතිය අවලංගු කරන බවට රජය ජාත්‍යන්තරය ඉදිරියේදී පවා පිළිගෙන ඇති බවත් එහෙත් තවමත් දෙමළ දේශපාලන සිරිකරුවන් එම නීතිය ...
විවිධ අවස්ථාවලදී මෙම නීතිය අවලංගු කරන බවට රජය ජාත්‍යන්තරය ඉදිරියේදී පවා පිළිගෙන ඇති බවත් එහෙත් තවමත් දෙමළ දේශපාලන සිරිකරුවන් එම නීතිය යටතේම අත්අංගුවේ තබාගෙන සිටින බවත් සම්පන්ධන් මහතා පවසයි. මෙම සිරකරුවන් බොහෝ දෙනෙකු දිගු කලක් තිස්සේ සිරගතව සිටින අතර ඔවුන්ට එරෙහිව සාක්ෂි ලෙස ඇත්තේ ඔවුන් විසින් ලබාදී ඇති කටඋත්තර පමණි.
විපක්ෂ නායකයා පෙන්වා දෙන්නේ ජවිපෙ කැරැල්ලේදී අත්අඩංගුවට පත් සිරකරුවන්ට පොදු සමාවක් ලැබුණද මෙම දේශපාලන සිරකරුවන්ට එවැනි අවස්ථාවක් හෝ උදා වී නොමැති බවයි. සිංහල ජාතිකයන්ට ලැබුණු එවැනි අවස්ථාවක් දෙමළ සිරකරුවන්ට නොලැබෙන්නේ කුමන පදනමක් හේතුවෙන්ද යන්න ඔහු විමසා සිටී.
මෙම ගැටලුව තවදුරටත් නීතිමය ප්‍රශ්නයකින් එහා ගොස් දේශපාලන ප්‍රශ්නයක් වී ඇති නිසා රජය සෘජුවම මෙයට මැදිහත් වී ඔවුන්ට සාධාරණයක් ඉටුකළ යුතු බව සම්බන්ධන් මහතා අවධාරණය කරයි. ඔහු පවසන්නේ අත්අඩංගුවේ පසුවන සිරකරුවන් මෙන්ම ඔවුන්ගේ පවුල්වල සාමාජිකයන් ද දැඩි අපහසුතාවයට පත්ව ඇති බවයි.
ජාතීන් අතර සහජීවනය, සාමය ආරක්ෂා කිරීම සඳහා කටයුතු කරමින් සිටියදී මෙවැනි දෑ තවදුරටත් සිදුවීම හරහා සහජීවනය පළුදු වන බවත් ඒ නිසා රජය වහාම මැදිහත් වී අසාධාරණ ලෙස සිරගත කර සිටින දෙමළ දේශපාලන සිරකරුවන් නිදහස් කොට ඔවුන්ට සාමාන්‍ය ජීවිත ගතකිරීම සඳහා අවස්ථාව ලබාදෙන ලෙස විපක්ෂ නායක ආර්. සම්බන්ධන් මහතා රජයෙන් ඉල්ලා සිටී.
උපාලි සපරමාදු
COMMENTS